اِنجِیل شریف (لُوقا) 7:26 - Mirpuri-Pahari Bible

²⁶ کدے ناں! تے فِر کَے تکݨے واسطے گئے سو؟ اِک پیغمبر کی؟ ہاں، بیشک۔ بلکہ میں اے گل آخساں کہ او بندہ پیغمبر تُوں بدی تے اَے۔

اِنجِیل شریف (لُوقا) 7:26 ပူးပေါင်းရင်းမြစ်များ

اِنجِیل شریف (لُوقا) 1:76

”اَے مہاڑے بچّے، تُکی اللّٰہ تعالیٰ نا نبی آخیا جاسی، کِیئانکہ تُوں ربّ تُوں پہلے ٹُری کے اُس نا راہ تیار کرسیں۔

اِنجِیل شریف (لُوقا) 16:16

حضرت زَکریا نے پُتر حضرت یحییٰ نے زمانے تک توراة شریف تے صحائفِ انبیاء نی بہُوں تبلیغ ہوݨی رہی اَے۔ پر اُس تُوں بعد اللّٰہ تعالیٰ نی بادشاہی نی خُوشخبری سُݨائی جاݨی اے، تے ہر کُسے نی بہُوں کوشِش اَے کہ او وی اللّٰہ تعالیٰ نی بادشاہی وِچ داخِل ہوئی جائے۔

اِنجِیل شریف (لُوقا) 20:6

پر جے کدے اَساں اے آخاں، ’کُسے بندے نی طرفوں‘ تے اَساں کی عوام بٹّیاں نال ماری شوڑسی، کِیئانکہ لوک سارے تے یحییٰ کی اللّٰہ تعالیٰ نا پیغمبر مننے اݨ۔“

اِنجِیل شریف (لُوقا) 7:25

تے فِر کَے تکݨے واسطے گئے او؟ سوہݨے سوہݨے، قیمتی کپڑے لائے وے بندے کی، تے عیاشی کرنے آلے کی؟ اِیئے جہے لوک تے شاہی محلاں وِچ رہݨے اݨ۔

اِنجِیل شریف (لُوقا) 7:27

حضرت یحییٰ او بندے اݨ جِنہاں نے بارے وِچ کلامِ پاک وِچ لِخیا وا، ’اے مہاڑا او پَیغمبر اَے جِسی میں تہاڑے اگے پہیجساں۔ او تہاڑے اچھݨے تُوں پہلے تہاڑے واسطے راہ تیار کرسی۔‘