اِنجِیل شریف (لُوقا) 7:24 - Mirpuri-Pahari Bible

²⁴ جیہڑے ویلے حضرت یحییٰ نے صحابی ٹُری گئے، تے حضرت عِیسیٰ لوکاں کی حضرت یحییٰ نے بارے وِچ آخیا، ”تُساں بیابان وِچ کَے تکݨے واسطے گئے سو؟ کُسے اِیئے جہے بندے کی جیہڑا چڑݨے سُورج نی پُوجا کرنا ہووے؟ بِلکُل ناں!

اِنجِیل شریف (لُوقا) 7:24 ပူးပေါင်းရင်းမြစ်များ

توریت شریف: پَیدایش 49:4

تُوں پاݨِیئے نی طرح رُڑنے آلا ایں، تے تُکی کوئی اُچا مقام نی لبݨا، کِیئانکہ توں اپݨی مَتریری ماؤ نال مُونہ کالا کیتا، تے اِس طرح تُوں مہاڑی بے عزتی کِیتی۔

اِنجِیل شریف (لُوقا) 1:80

او بچّہ یعنی حضرت یحییٰ جُوں جُوں بڑا ہوݨا گیا، تے اُس کی قُربتِ الہٰی حاصل ہوݨی رہی۔ اُس دیہاڑے تک او بیاباناں وِچ ہی رہیا جدُوں تک اُس بنی اِسرائیل نے اگے دعویِٰ نبوت ناں کِیتا۔

اِنجِیل شریف (لُوقا) 3:2

اُنہاں دیہاڑیاں وِچ دو بڑے مذہبی پیشوا سݨ، اِک جناب حَنّاہ صاحب تے دُوئے جناب کائفا صاحب۔ اُس ویلے حضرت زکریاہ نے پُتر حضرت یحییٰ اپر اِک بیابان جغہ وِچ اللّٰہ تعالیٰ نی طرفوں وَحی نازل ہوئی۔

اِنجِیل شریف (لُوقا) 7:23

خُوش نصیب اݨ او لوک جیہڑے مہاڑی وجہ تُوں ٹھوکر نی کھاݨے۔‘ “

اِنجِیل شریف (لُوقا) 7:25

تے فِر کَے تکݨے واسطے گئے او؟ سوہݨے سوہݨے، قیمتی کپڑے لائے وے بندے کی، تے عیاشی کرنے آلے کی؟ اِیئے جہے لوک تے شاہی محلاں وِچ رہݨے اݨ۔