اِنجِیل شریف (لُوقا) 7:23 - Mirpuri-Pahari Bible

²³ خُوش نصیب اݨ او لوک جیہڑے مہاڑی وجہ تُوں ٹھوکر نی کھاݨے۔‘ “

اِنجِیل شریف (لُوقا) 7:23 ပူးပေါင်းရင်းမြစ်များ

اِنجِیل شریف (لُوقا) 2:34

حضرت شمعُون اُنہاں کی دُعا دِتی، تے بی بی مَریم کی آخیا، ”اِس بچّے نے ذرِیعے بنی اِسرائیل وِچ بہُوں سارے لوک نجات حاصل کرسݨ، تے بہُوں سارے برباد ہوسݨ، تے لوک اِس نے مُخالف ہوسݨ۔

اِنجِیل شریف (لُوقا) 7:22

فِر اُنہاں حضرت یحییٰ نے صحابیاں کی جواب دِتا، ”جو کُجھ تُساں تکیا تے سُݨیا اے، جائی کے یحییٰ کی دَسو: ’اَنّہیاں کی دِسݨ لغی پیا اے، لنگڑے ٹُرݨ پھِرݨ لغی گئے اݨ، کوہڑ نے مریض پاک ہوئی گئے اݨ، ڈورے سُݨݨ لغی پئے اݨ، مُردیاں کی دوبارہ زِندگی لبھی اے، تے غریباں کی خُوشی نی خبر سُݨائی گئی اَے۔‘

اِنجِیل شریف (لُوقا) 7:24

جیہڑے ویلے حضرت یحییٰ نے صحابی ٹُری گئے، تے حضرت عِیسیٰ لوکاں کی حضرت یحییٰ نے بارے وِچ آخیا، ”تُساں بیابان وِچ کَے تکݨے واسطے گئے سو؟ کُسے اِیئے جہے بندے کی جیہڑا چڑݨے سُورج نی پُوجا کرنا ہووے؟ بِلکُل ناں!