اِنجِیل شریف (لُوقا) 7:19 - Mirpuri-Pahari Bible

¹⁹ تے اُنہاں کی حضرت عِیسیٰ کول اے گل پُچھݨے واسطے پہیجیا کہ، ”اچھݨے آلے مسِیح تُساں ہی او؟ یا اَساں کُسے دُوئے نا اِنتظار کراں؟“

اِنجِیل شریف (لُوقا) 7:19 ပူးပေါင်းရင်းမြစ်များ

توریت شریف: پَیدایش 22:18

تے تُہاڑیاں نسلاں نے وسیلے نال دُنیا نیاں ساریاں قوماں برکت کِہنسݨ، کِیئانکہ تُوں مہاڑی گل مَنی اے۔“

توریت شریف: پَیدایش 3:15

مَیں تُہاڑے تے زناݨی نے بشکار دُشمݨی پیدا کری شوڑساں۔ اُس نی اولاد تُہاڑی اولاد نی دشمݨ ہوسی۔ او تُہاڑے سِرے کی چُٹی شوڑسی، تے تُوں اُس نی کھُری پر ڈسسیں۔“

توریت شریف: پَیدایش 49:10

یہوداہ، تہاڑی بادشاہی کدے ختم نی ہوݨ لغی، بلکہ شاہی اِختیار اُس ویلے تک تُہاڑی اولاد کول رہسی جدوں تک او حاکم نی آئی جاݨا جِس نے تابع ساریاں قوماں رہسݨ۔

اِنجِیل شریف (لُوقا) 10:1

فِر اِس تُوں بعد حضرت عِیسیٰ اپݨے صحابیاں وِچوں بَہَتّر (72) بندیاں کی دو دو نیاں جوڑیاں بݨائی کے آپے کولوں اگے اُنہاں گَرانواں وِچ پہیجیا جِتھے اُنہاں آپوں جاݨا سی۔

اِنجِیل شریف (لُوقا) 11:1

اِک واری اِسرح ہویا کہ حضرت عِیسیٰ کُسے جغہ دُعا پئے کرنے سݨ۔ جِس ویلے اُنہاں دُعا ختم کِیتی، تے اُنہاں نے صحابیاں وِچوں اِک صحابی اُنہاں کی آخیا، ”حضُور! جِس طرح حضرت یحییٰ اپݨے پَیروکاراں کی دُعا کرنا سِخایا اَے، تُساں وی اَساں کی سِخاؤ!“

اِنجِیل شریف (لُوقا) 11:39

حضرت عِیسیٰ اُسی آخیا، ”او فریسیو! تُساں کھاݨے پِیݨے نے پہانڈیاں کی باہروں تے بہُوں تہوئی تہوئی کے استعمال کرنے او، پر اندروں تُساں بَدی تے لالِچ نال پہرے وے او۔

اِنجِیل شریف (لُوقا) 12:42

حضرت عِیسیٰ جواب دِتا، ”کدے مالک اپݨے کُسے وفادار تے عقلمند نوکرے نے حَوالے اپݨے کہار چلاݨے نا نظام کَرے، تے اُس نی ڈیوٹی لائے کہ او باقی سارے نوکراں کی وقت اپر کھاݨا دے،

اِنجِیل شریف (لُوقا) 13:15

حضرت عِیسیٰ اُس کی آخیا، ”او مُنافقو! تُساں وِچ کوئی بندہ اَے وَے، جیہڑا اپݨے داندے یا کھوتے کی ہفتے آلے مُبارک دیہاڑے کِلّے تُوں کھولی کے پاݨی پیالݨے واسطے نی کَھڑنا؟

اِنجِیل شریف (لُوقا) 17:5

صحابیاں حضرت عِیسیٰ کی آخیا، ”اَساں نا اِیمان بڑا کری شوڑو!“

اِنجِیل شریف (لُوقا) 17:6

حضرت عِیسیٰ جواب دِتا، ”کدے تُساں وِچ رائی نے داݨے نے برابر وی اِیمان ہووے، تے تُساں اِس تُوتے نے بُوٹے کی آخی سکݨے او، ’اِتھوں نِکلی کے سمندر وِچ لغا جا!‘، تے اے ضرُور تُساں نا حُکم مَنسی۔“

اِنجِیل شریف (لُوقا) 18:6

اے مِثال سُݨائی کے حضرت عِیسیٰ آخیا، ”تکو تے سَہی، اے بے اِنصاف جَج کَے پیا آخݨا اے؟ اِس تُوں سبق سِخو۔“

اِنجِیل شریف (لُوقا) 19:8

اِسے دوران، زکائی کھَلی کے حضرت عِیسیٰ کی آخیا، ”حضُور تکو! میں اپݨے سارے مال نا اَدھ غرِیباں اپر بَنڈساں، تے جِس کُسے کولوں کُجھ ناجائِز کِہندا اَے، اُسی اُس نا چار گُنا موڑی کے دیساں!“

اِنجِیل شریف (لُوقا) 22:61

حضرت عِیسیٰ پِچھَے مُڑی کے حضرت پَطرس کی تکیا، تے حضرت پَطرس کی او گل یاد آئی کہ حضرت عِیسیٰ آخیا سی، ’اَج کُکڑے نی بانگ ہوݨے کولوں پہلے ترَے واری تُوں مہاڑا اِنکار کرسیں۔‘

اِنجِیل شریف (لُوقا) 24:34

اُتھے اے گلاں ہوݨیاں پئیاں سݨ، ”واقعی حضرت عِیسیٰ دُوئی واری زِندہ ہوئی گئے اݨ! او شمعُون کی نظر وی آئے اݨ!“

اِنجِیل شریف (لُوقا) 7:13

اُس مائی کی تکی کے حضرت عِیسیٰ کی ترس آیا تے اُنہاں فرمایا، ”رو ناں!“

اِنجِیل شریف (لُوقا) 7:20

جیہڑے ویلے او حضرت عِیسیٰ کول آئے، تے اُنہاں آخیا، ”حضرت یحییٰ اَساں کی تُساں کول اے گل پُچھݨے واسطے پہیجیا کہ، ’اچھݨے آلے مسِیح تُساں ہی او؟ یا اَساں کُسے دُوئے نا اِنتظار کراں؟‘ “