اِنجِیل شریف (لُوقا) 7:16 - Mirpuri-Pahari Bible

¹⁶ سارے لوک حیران ہوئی گئے، تے اللّٰہ تعالیٰ نی تعرِیف کری کے آخݨ لغے، ”اللّٰہ تعالیٰ اَساں پر اپݨی نظرِ کرم کری شوڑی اَے! اُس اَساں پر اپݨا نبی پہیجیا اَے!“

اِنجِیل شریف (لُوقا) 7:16 ပူးပေါင်းရင်းမြစ်များ

اِنجِیل شریف (لُوقا) 1:65

اے گل سُݨی کے سارے شہر نے لوک حَیران ہوئی گئے، تے اے خبر جلدی ہی ریاست یہُودیہ نے سارے علاقے وِچ پھیلی گئی۔

اِنجِیل شریف (لُوقا) 1:68

اُنہاں آخیا، ”سُبحان اللّٰہ! الحمدُ للّٰہ! بنی اِسرائیل نے خُدا نا شُکر اَے! اُس اَساں اپر نظرِ کرم کِیتی اَے تے اَساں کی آزادی بخشی اَے۔

اِنجِیل شریف (لُوقا) 19:44

او تُکی تے تہاڑے لوکاں کی بِلکُل تباہ کرسݨ۔ او تُہاڑی اِٹ نال اِٹ بَجائی شوڑسݨ، کِیئانکہ تہاڑے لوکاں اُس موقعے کی ضائع کِیتا جیہڑے ویلے اللّٰہ تعالیٰ اُنہاں اپر نظرِ کرم کِیتی سی۔“

اِنجِیل شریف (لُوقا) 2:20

فِر چرواہے اُنہاں ساریاں گلاں نی وجہ تُوں جیہڑیاں اُنہاں تکیاں تے سُݨیاں سݨ اللّٰہ تعالیٰ نی تعرِیف بیان کرنے کرنے مُڑی کے ٹُری گئے، کِیئانکہ فرِشتے اُنہاں کی جو کُجھ آخیا سی او سارا اُنہاں اپݨیاں اکھیاں نال تکی کِہندا سی۔

اِنجِیل شریف (لُوقا) 24:19

حضرت عِیسیٰ اُنہاں کولوں پُچھیا، ”کَے ہویا؟“ اُنہاں جواب دِتا، ”حضرت عِیسیٰ نا واقعہ جیہڑا ناصرت شہر نا سی۔ اللّٰہ تعالیٰ تے سارے لوکاں نی نَظراں وِچ اُس نے کم تے کلام بہُوں قُدرت آلے سݨ، او واقعی بہُوں بڑا نبی سی۔

اِنجِیل شریف (لُوقا) 5:26

سارے لوک اے گل تکی کے حَیران ہوئی گئے، تے اللّٰہ تعالیٰ نی تعرِیف بیان کری کے آخݨ لغے، ”اَج اَساں بہُوں ہی عجیب مُعجزے تکے اݨ!“

اِنجِیل شریف (لُوقا) 5:8

جِس ویلے حضرت شمعُون اے گل تکی، تے حضرت عِیسیٰ نے پَیراں وِچ پئی کے آخیا، ”حضُور! تُساں مہاڑے کولوں ہٹی جاؤ، کِیئانکہ میں بہُوں غُنہگار آں!“

اِنجِیل شریف (لُوقا) 7:15

او بندہ اُٹھی کے بہی گیا، تے گلاں کرݨ لغا۔ حضرت عِیسیٰ اُس کی اُس نی ماں نے حوالے کری شوڑیا۔

اِنجِیل شریف (لُوقا) 7:39

جیہڑے ویلے اُس فریسی جِس حضرت عِیسیٰ کی کھاݨے نی دعوت دِتی وی سی، اے گل تکی، تے اپݨے دِلے وِچ آخیا، ”اگر اے بندہ سچا نبی ہوݨا، تے اِس کی پتہ لغی جاݨا چاہی نا سی کہ اے جناݨی جیہڑی اُس کی ہتھ لاݨی پئی کِتنی بدکار تے غُنہگار اَے!“

اِنجِیل شریف (لُوقا) 8:37

ریاست گَراسا نے علاقے نیاں لوکاں حضرت عِیسیٰ اگے اِلتجأ کِیتی، ”مِہربانی کری کے اَساں نے علاقے وِچوں ٹُری جاؤ۔“ در اصل او لوک بہُوں زیادہ خوف زدہ ہوئی گئے سݨ۔ اِس واسطے حضرت عِیسیٰ ریاست گلِیل در واپس جاݨے واسطے بیڑی وِچ بہی گئے۔

اِنجِیل شریف (لُوقا) 9:19

اُنہاں جواب دِتا، ”کُجھ آخݨے اݨ کہ ‌’اے حضرت یحییٰ اݨ‘، کُجھ آخݨے اݨ کہ ’حضرت اِلیاس اݨ‘، تے کُجھ آخݨے اݨ کہ ’پُراݨے زمانے نے نبیاں وِچوں کوئی دوبارہ زِندہ ہوئی گئے اݨ‘۔“