اِنجِیل شریف (لُوقا) 6:30 - Mirpuri-Pahari Bible

³⁰ جیہڑا وی تُساں کولوں کُجھ مَنگے، اُس کی دیا کرو۔ کدے وی تُساں نی چِیز کوئی چائی کِہنے، تے اُس کولوں موڑی کے ناں کِہنو۔

اِنجِیل شریف (لُوقا) 6:30 ပူးပေါင်းရင်းမြစ်များ

اِنجِیل شریف (لُوقا) 11:41

اِس واسطے اپݨے پہانڈیاں وِچ پِیݨے آلے مال وِچوں خَیرات وی دیا کرو، تانکہ سب کُجھ تُساں واسطے پاک ہوئی جائے۔

اِنجِیل شریف (لُوقا) 12:33

اپݨا مال و متاع بیچی کے ضرُورت مَنداں کی بَنڈی شوڑو۔ اِس طرح تُساں اپݨے واسطے اِیئے جہے بٹّوے بݨاسو جیہڑے کدے وی خراب ناں ہوسݨ، تے آسماناں وِچ اِیئے جہیا خزانہ جیہڑا کدے وی ختم ناں ہوسی، تے اُتھے ناں چوری ہوئی سکݨی اَے، ناں کوئی کِیڑا خراب کری سکݨا اَے۔

اِنجِیل شریف (لُوقا) 18:22

اے گل سُݨی کے حضرت عِیسیٰ اُسی آخیا، ”اِک گل نی تہاڑے وِچ حالاں وی کَمّی اَے: اپݨا سارا کُجھ بیچی کے غرِیباں مسکِیناں اپر بَنڈی شوڑ، فِر تُکی جَنّتاں وِچ خزانہ لبھسی۔ اے کَم کری کے آ، تے مہاڑا پیروکار بݨی جا۔“

اِنجِیل شریف (لُوقا) 6:29

کدے کوئی تُساں نے مُونہے اپر سجّے پاسے چنڈ مارے، تے تُساں اُس کی کَھبّہ پاسہ وی موڑو۔ کدے کوئی تُساں نا کوٹ کِہننے نی کوشِش کرے، تے تُساں اپݨی قمیض وی اُس کی چائی دیو۔

اِنجِیل شریف (لُوقا) 6:31

قِصّہ مختصر اے اَے کہ دُویاں لوکاں نال اِیئے جہیا ہی سلُوک کرو جِیئے جہیا تُساں چاہݨے او کہ لوک تُساں نال کرݨ۔

اِنجِیل شریف (لُوقا) 6:38

ہوراں کی دیو، تے اللّٰہ تعالیٰ تُساں کی دیسی۔ بہُوں سوہݨا بَدلہ ناپی تولی کے تُساں کی دیسی، اِیئے جہیا کہ لہائی چہلائی کے پہریا وا ڈُلݨا ڈُلݨا تُساں نی چہولی وِچ باسی۔ یاد رَخو: جیہڑے ناپ نال تُساں ناپی کے ہوراں کی دیسو، اِیئے جہے ناپ نال اللّٰہ تعالیٰ تُساں کی ناپی کے دیسی۔“