اِنجِیل شریف (لُوقا) 6:27 - Mirpuri-Pahari Bible

²⁷ پر میں تُساں کی جیہڑے مہاڑیاں گلاں سُݨنے او آخݨا آں، اپݨے دُشمݨاں نال وی مُحبّت کرو۔ جیہڑے تُساں نال نفرت کرنے اݨ، اُنہاں نال وی پَلا کریا کرو۔

اِنجِیل شریف (لُوقا) 6:27 ပူးပေါင်းရင်းမြစ်များ

اِنجِیل شریف (لُوقا) 23:34

حضرت عِیسیٰ اللّٰہ تعالیٰ اگے دُعا کِیتی، ”اَے باپ، اِنہاں کی مُعاف فرما! کِیئانکہ اِنہاں کی پتہ نی کہ کَے پئے کرنے اݨ۔“ فِر سِپاہیاں حضرت عِیسیٰ نے کپڑے بَنڈݨے واسطے قُرعہ سٹیا۔

اِنجِیل شریف (لُوقا) 6:22

خُوش نصیب او تُساں جِسلے لوک تُساں نال نفرت کرسݨ، تے قطع تعلقی کرسݨ، جِنہاں نی بے عزتی کرسݨ، تے مَندا آخسݨ۔ اے سارا کُجھ اِس واسطے ہوسی، کِیئانکہ تُساں اِبنِ اِنسان نے یعنی کہ مہاڑے پیروکار او۔

اِنجِیل شریف (لُوقا) 6:35

اِس واسطے میں تُساں کی اے گل آخݨا آں کہ اپݨے دُشمݨاں نال وی مُحبّت کرو، اُنہاں نال پَہلائی کریا کرو، تے اُنہاں کی قرضہ دیݨے ویلے واپسی نا ناں سوچیا کرو۔ اِس چِیز نا اَجر تُساں کی بہُوں لبھسی، تے تُساں اللّٰہ تعالیٰ نے پیارے بندیاں وِچ شامل ہوئی جاسو، کِیئانکہ اللّٰہ تعالیٰ تے اُنہاں اپر وی مہربانیاں کرنا اَے جیہڑے اُس نی شُکر گزاری نی کرنے، تے جیہڑے ہمیشہ غُناہ نی دَلدَل وِچ پَھسّے رہݨے اݨ۔

اِنجِیل شریف (لُوقا) 8:15

او بِیں جیہڑا چنگی زِیمی وِچ راہݨ ہوݨا اَے، اُنہاں لوکاں نی مِثال اَے جیہڑے اللّٰہ تعالیٰ نا کلام سُݨنے اݨ، تے نیک نِیّتی نال اُس اپر عمل کرنے اݨ تے ثابت قدم رہی کے اِیمان وِچ بہُوں ترقی کرنے اݨ۔“

اِنجِیل شریف (لُوقا) 8:18

اِس واسطے تُساں ہوشیار رہو، کہ کَے پئے سُݨنے او، کِیئانکہ جِس کُسے کی سمجھݨے نی خواہش ہوسی، اللّٰہ پاک اُس نے عِلم وِچ اِضافہ فرماسی۔ پر جِس کُسے کی سمجھݨے نی خواہش ناں ہوسی، اُس کولوں او تھوڑی جئی سمجھ وی جیہڑی کہ اُس کول اَے وے، واپس کِہندی جاسی۔“

اِنجِیل شریف (لُوقا) 8:8

پر باقی بِیں چَنگی زِیمی وِچ ٹَہٹھا تے جَمیا۔ اُس نال بہُوں چنگی فصل لغی، تے سو گُنا پَھلیا۔“ آخر وِچ حضرت عِیسیٰ اُنہاں لوکاں کی آخیا، ”جیہڑا کوئی سمجھݨا چاہݨا اَے، تے مہاڑیاں گلاں غور نال سُݨے۔“