اِنجِیل شریف (لُوقا) 6:21 - Mirpuri-Pahari Bible

²¹ خُوش نصیب او تُساں جِنہاں کی پُہکھ لغی وی اَے، کِیئانکہ اللّٰہ تعالیٰ تُساں کی رَجاسی! خُوش نصیب او تُساں جیہڑے ہُݨ روݨے پئے او، کِیئانکہ اللّٰہ تعالیٰ تُساں کی خُوش کری کے ہَنساسی!

اِنجِیل شریف (لُوقا) 6:21 ပူးပေါင်းရင်းမြစ်များ

توریت شریف: پَیدایش 17:17

فِر حضرت اِبراہِیم سِر سجدے وِچ سٹیا، تے ہسی کے دِلے وِچ آخݨ لغے، ”سو سال نے بُڈھے نا وی مُنڈا جمی سکݨا؟ تے سارہ جیہڑی نَوے سالاں نی اے، اُس نی اُولاد کُتھوں جمسی؟

توریت شریف: پَیدایش 21:6

بی بی سارہ آخیا، ”رب مِکی خُوشی نال ہسایا اے، تے سارے سُݨنے آلے وی مہاڑے نال خُوشی وِچ ہسسݨ۔

اِنجِیل شریف (لُوقا) 1:53

جیہڑے پھُکھے اݨ، اُنہاں کی اللّٰہ رجائی شوڑیا اَے۔ پر جیہڑے دولتمند اݨ، اُنہاں کی خالی ہتھ پہیجی شوڑیا اَے۔

اِنجِیل شریف (لُوقا) 6:20

حضرت عِیسیٰ اپݨے پیروکاراں کی تکیا تے آخیا، ”خُوش نصیب او تُساں جیہڑے غرِیب او، کِیئانکہ اللّٰہ تعالیٰ نی بادشاہی تُساں واسطے اَے!

اِنجِیل شریف (لُوقا) 6:22

خُوش نصیب او تُساں جِسلے لوک تُساں نال نفرت کرسݨ، تے قطع تعلقی کرسݨ، جِنہاں نی بے عزتی کرسݨ، تے مَندا آخسݨ۔ اے سارا کُجھ اِس واسطے ہوسی، کِیئانکہ تُساں اِبنِ اِنسان نے یعنی کہ مہاڑے پیروکار او۔

اِنجِیل شریف (لُوقا) 6:25

افسوس اے تُساں اپر جیہڑے ہُݨ رَجّے وے او، کِیئانکہ تُساں کی فِر پُہکھ لغی جاسی! افسوس اے تُساں اپر جیہڑے ہُݨ ہسݨے پئے او، کِیئانکہ تُساں ماتم مناسو تے روسو!