اِنجِیل شریف (لُوقا) 6:17 - Mirpuri-Pahari Bible

¹⁷ حضرت عِیسیٰ اپݨے صحابۂ کرام نال پہاڑی اپروں تھلے لَتھے، تے اِک میدان وِچ گئے۔ اُتھے بہُوں سارے پیروکار وی اکھٹے سݨ، تے ہور بہُوں سارے لوک یرُوشلم شہر تے سارے ریاست یہُودیہ، طائر تے صَیدُون نے ساحلی شہراں تُوں وی آئے وے سݨ۔

اِنجِیل شریف (لُوقا) 6:17 ပူးပေါင်းရင်းမြစ်များ

اِنجِیل شریف (لُوقا) 5:15

حضرت عِیسیٰ نے منع کرنے نے باوجُود اُنہاں نی شُہرت پھیلی گئی، تے بیشمار لوک اُنہاں نی تعلِیم سُݨنے واسطے تے بیماریاں تُوں شِفأ پاݨے واسطے اُنہاں کول اچھݨے رہے۔

اِنجِیل شریف (لُوقا) 6:12

اُنہاں دیہاڑیاں وِچ اِک واری حضرت عِیسیٰ اِک پہاڑ اپر دُعا کرنے واسطے گئے، تے پُوری رات دُعا کرنے رہے۔

اِنجِیل شریف (لُوقا) 6:16

جناب یعقُوب نا پُتر حضرت یہُوداہ، تے حضرت یہوداہ اِسکَریوتی جِنہاں بعد وِچ حضرت عِیسیٰ کی دُشمݨاں کولوں پغڑوایا سی۔

اِنجِیل شریف (لُوقا) 6:18

او سارے لوک حضرت عِیسیٰ نی تعلِیم سُݨنے تے اپݨیاں بیماریاں تُوں شِفأ حاصل کرنے واسطے آئے وے سݨ۔ جِنہاں لوکاں وِچ جِنّات سݨ اُنہاں کی نجات لبھی سی،