اِنجِیل شریف (لُوقا) 5:5 - Mirpuri-Pahari Bible

⁵ حضرت شمعُون جواب دِتا، ”حضُور، اَساں ساری رات بہُوں محنت کِیتی اَے، پر کُجھ وی حاصل نی ہویا۔ پر تُساں نے آخݨے اپر فِر میں جال سٹی شوڑنا آں۔“

اِنجِیل شریف (لُوقا) 5:5 ပူးပေါင်းရင်းမြစ်များ

اِنجِیل شریف (لُوقا) 17:13

اُنہاں اُچّی اُچّی آوازاں وِچ آخیا، ”حضرت عِیسیٰ! اَساں اپر رحم کرو!“

اِنجِیل شریف (لُوقا) 8:24

صحابیاں حضرت عِیسیٰ کی جغایا تے آخیا، ”حضُور، اَساں ڈُبݨے آلے آں!“ حضرت عِیسیٰ اُٹھے، تے طُوفان کی حُکم دِتا۔ او اِک دم رُکی گیا تے بِلکُل سکُون ہوئی گیا۔

اِنجِیل شریف (لُوقا) 8:45

حضرت عِیسیٰ پِچھَے مُڑی کے سارے لوکاں کولوں پُچھیا، ”مہاڑے کپڑیاں کی کُس ہتھ لایا اَے؟“ جِس ویلے لوک اِنکار کرݨ لغے تے حضرت پَطرس آخیا، ”حضُور، لوکاں نی پہیڑ تے تکو! اے تے تُساں اپر پئے ٹہݨے اݨ!“

اِنجِیل شریف (لُوقا) 9:33

او دو بندے حضرت عِیسیٰ کولوں جاݨ لغے تے پَطرس آخیا، ”آقا! اے کِتنی خُوشی نی گل اَے، کہ اَساں اِتھے آئی گئے آں! جے کدے تُساں آخو، تے اَساں اِتھے ترَے چھپّر بَݨاں، اِک تُساں واسطے ، اِک حضرت مُوسیٰ واسطے تے اِک حضرت اِلیاس واسطے ۔“ اصل وِچ اُنہاں کی کُجھ پتہ نی سی کہ کَے پئے آخݨے اݨ۔

اِنجِیل شریف (لُوقا) 9:49

حضرت یوحنّا آخیا، ”حضُور، اَساں اِک اِیئے جہے بندے کی تکیا جیہڑا تُساں نے ناں اپر لوکاں وِچوں جِنّات کڈھݨا سی۔ اَساں اُس بندے کی اِس کمّے تُوں منع کِیتا، کِیئانکہ او اَساں نی جماعت نال نی۔“