اِنجِیل شریف (لُوقا) 5:33 - Mirpuri-Pahari Bible

³³ کُجھ لوکاں حضرت عِیسیٰ کولوں پُچھیا، ”کَے گل اَے، جی؟ حضرت یحییٰ نے پیروکار تے فَریسی فِرقے نے لوک اکثر اوقات روزے رخݨے اݨ تے دُعاواں کرنے اݨ، پر تُساں نے پیروکار ہر ویلے کھاݨے پِیݨے ہی رہݨے اݨ۔“

اِنجِیل شریف (لُوقا) 5:33 ပူးပေါင်းရင်းမြစ်များ

اِنجِیل شریف (لُوقا) 11:1

اِک واری اِسرح ہویا کہ حضرت عِیسیٰ کُسے جغہ دُعا پئے کرنے سݨ۔ جِس ویلے اُنہاں دُعا ختم کِیتی، تے اُنہاں نے صحابیاں وِچوں اِک صحابی اُنہاں کی آخیا، ”حضُور! جِس طرح حضرت یحییٰ اپݨے پَیروکاراں کی دُعا کرنا سِخایا اَے، تُساں وی اَساں کی سِخاؤ!“

اِنجِیل شریف (لُوقا) 18:12

میں ہفتے وِچ دو روزے رَخݨا آں، تے اپݨی آمدن وِچوں دَسواں حِصّہ وی تہاڑے نائیں اپر دیݨا آں۔‘

اِنجِیل شریف (لُوقا) 2:37

فِر او بیوہ ہوئی گئی سی۔ بیوہ ہوݨے تُوں بعد اُس ساری زِندگی بڑے عِبادت خانے وِچ گُزاری، تے دِن رات صوم و صلوٰة نی پابند رہی۔ اُس ویلے او چوراسی سال نی ہوئی وی سی۔

اِنجِیل شریف (لُوقا) 20:47

اے بیوَاں مَسکِیناں نے کَہراں اپر قبضہ کری کِہننے اݨ تے لوکاں کی دَسݨے واسطے لَمیاں لَمیاں دُعاواں کرنے اݨ۔ اِنہاں کی زیادہ سزا لبھسی!“

اِنجِیل شریف (لُوقا) 5:32

میں اُنہاں لوکاں واسطے ناں آیا جیہڑے اپݨے آپ کی ایماندار سمجھݨے اݨ، بلکہ اُنہاں واسطے جیہڑے غُنہگار اݨ، تانکہ او اپݨے غُناہواں کی چھوڑی کے توبہ کرݨ۔“

اِنجِیل شریف (لُوقا) 5:34

حضرت عِیسیٰ اُنہاں کی جواب دِتا، ”کَے خیال اَے؟ جِس ویلے جنجَے آلیاں نال مَرھاج ہووے، روزہ رخسݨ؟ کدے وی نی!