اِنجِیل شریف (لُوقا) 5:21 - Mirpuri-Pahari Bible

²¹ اے گل سُݨی کے شرِیعت نے عالماں تے فریسی فِرقے نے لوک اپݨے دِلاں وِچ آخݨ لغے، ”اے تے پیا کُفر کرنا! اللّٰہ تعالیٰ نے بغَیر کُݨ اَے، جیہڑا کُسے نے غُناہ مُعاف کری سکݨا؟“

اِنجِیل شریف (لُوقا) 5:21 ပူးပေါင်းရင်းမြစ်များ

اِنجِیل شریف (لُوقا) 3:8

ہُݨ تُساں اِیئے جہے کم کرو جِنہاں تُوں ثابت ہووے کہ تُساں واقعی توبہ کِیتی اَے۔ اپݨے دِلاں وِچ اے گل ناں آخو، ’اَساں حضرت اِبراہِیم نی اولاد آں‘۔ میں تُساں کی پُورے یقِین نال اے گل آخݨا آں کہ اللّٰہ تعالیٰ چاہݨا تے اِنہاں بَٹّیاں تُوں وی حضرت اِبراہِیم واسطے اولاد پیدا کری سکݨا اَے!

اِنجِیل شریف (لُوقا) 5:17

اِک دیہاڑے حضرت عِیسیٰ تعلِیم پئے دیݨے سݨ، تے فریسی فِرقے نے کُجھ لوک تے بعض عُلمأ لوک وی اُتھے آئے وے سݨ۔ اے لوک ریاست گلِیل تے ریاست یہُودیہ نے مُختلف گرانواں، تے یرُوشلم شہر وِچوں آئے وے سݨ۔ اُس ویلے اللّٰہ تعالیٰ حضرت عِیسیٰ کی بیماراں کی شِفأ دیݨے نی قُدرت وی دِتی وی سی۔

اِنجِیل شریف (لُوقا) 5:22

جِس ویلے حضرت عِیسیٰ کی اُنہاں نے بارے وِچ پتہ چَلیا کہ او کَے آخݨے پئے اݨ، تے اُنہاں آخیا، ”تُساں لوک اپݨے دِلاں وِچ کِیئاں اِیئے جیاں گلاں کرنے او؟

اِنجِیل شریف (لُوقا) 7:49

دُوئے مہمان جیہڑے اُتھے دعوت وِچ آئے وے سݨ، اِک دُوئے کی آخݨ لغے، ”اے کُݨ اَے، جیہڑا لوکاں نے غُناہ مُعاف کرنا اَے؟“