اِنجِیل شریف (لُوقا) 5:17 - Mirpuri-Pahari Bible

¹⁷ اِک دیہاڑے حضرت عِیسیٰ تعلِیم پئے دیݨے سݨ، تے فریسی فِرقے نے کُجھ لوک تے بعض عُلمأ لوک وی اُتھے آئے وے سݨ۔ اے لوک ریاست گلِیل تے ریاست یہُودیہ نے مُختلف گرانواں، تے یرُوشلم شہر وِچوں آئے وے سݨ۔ اُس ویلے اللّٰہ تعالیٰ حضرت عِیسیٰ کی بیماراں کی شِفأ دیݨے نی قُدرت وی دِتی وی سی۔

اِنجِیل شریف (لُوقا) 5:17 ပူးပေါင်းရင်းမြစ်များ

اِنجِیل شریف (لُوقا) 15:2

پر فریسی فِرقے نے لوک تے شرِیعت نے علمأ اُنہاں کی تکی کے خفا ہوئی کے آخݨے سݨ، ”اے بندہ تے غُنہگار لوکاں نال دوستی کرنا اے بلکہ اُنہاں نال بہی کے کھاݨا پِیݨا وی اے!“

اِنجِیل شریف (لُوقا) 2:46

ترِیئے دیہاڑے حضرت عِیسیٰ اپݨے والدَین کی بڑے عِبادت خانے وِچ لبھی گئے۔ اُتھے او بنی اِسرائیلی عُلمأ کول بَیٹھے وے سݨ، تے اُنہاں نیاں گلاں سُݨںنے سݨ تے اُنہاں اپر سوال کرنے سݨ۔

اِنجِیل شریف (لُوقا) 5:21

اے گل سُݨی کے شرِیعت نے عالماں تے فریسی فِرقے نے لوک اپݨے دِلاں وِچ آخݨ لغے، ”اے تے پیا کُفر کرنا! اللّٰہ تعالیٰ نے بغَیر کُݨ اَے، جیہڑا کُسے نے غُناہ مُعاف کری سکݨا؟“

اِنجِیل شریف (لُوقا) 5:30

جِس ویلے فَریسی فِرقے نے لوکاں تے عُلمأ لوکاں اے گل تکی، تے اُنہاں حضرت عِیسیٰ نے صحابیاں اگے اعتراض کِیتا، ”بے اِیمان مُنشیاں تے غُنہگار لوکاں نال بہی کے تُساں کھاݨا پِیݨا کِیئاں کرݨے او؟“

اِنجِیل شریف (لُوقا) 6:19

تے ساریاں لوکاں نی کوشِش سی کہ کُسے طرح حضرت عِیسیٰ کی ہتھ ہی لائی کِہنݨ، کِیئانکہ اُنہاں نی قوت لوکاں اپر اَثر کرنی سی تے ساریاں کی شِفأ لبھݨی سی۔

اِنجِیل شریف (لُوقا) 7:30

پر فریسی فِرقے آلیاں تے علمأ شرِیعت حضرت یحییٰ کولوں پاک غُسل نی سی کروایا، اِسے واسطے اُنہاں اپݨے بارے وِچ اللّٰہ تعالیٰ نے مقصد کی رد کِیتا۔

اِنجِیل شریف (لُوقا) 8:46

حضرت عِیسیٰ فِر آخیا، ”کُسے مِکی پَغڑیا اَے، کِیئانکہ مِکی پتہ لغا کہ مہاڑے وِچوں شِفأ دیݨے آلی طاقت خارج ہوئی اَے۔“