اِنجِیل شریف (لُوقا) 5:13 - Mirpuri-Pahari Bible

¹³ حضرت عِیسیٰ اپݨا ہتھ اگے کری کے اُس کی لایا تے آخیا، ”میں چاہݨا آں۔ تُوں پاک ہوئی جا!“ اُس بندے نا کوہڑ اُسے ویلے ختم ہوئی گیا۔

اِنجِیل شریف (لُوقا) 5:13 ပူးပေါင်းရင်းမြစ်များ

توریت شریف: پَیدایش 1:3

فِر اللّٰہ تعالیٰ آخیا، ”لو ہوئی جائے!“، تے لو پَیدا ہوئی گئی۔

توریت شریف: پَیدایش 1:9

فِر اللّٰہ تعالیٰ آخیا، ”آسمانے نے تھلے جہیڑا پاݨی اے، او اِک جغہ پر کھٹا ہوئی جائے، تے سُکی زمِیں نِکلی اَچھَے!“ فِر اِس طرح ہی ہویا۔

اِنجِیل شریف (لُوقا) 4:39

حضرت عِیسیٰ اُس مائی کول گئے، تے تاپے کی حُکم دِتا۔ تاپ اُسے ویلے لہئی گیا، تے مائی اُسے ویلے اُٹھی کے اُنہاں لوکاں نی خِدمت خاطر کرن لغی۔

اِنجِیل شریف (لُوقا) 5:12

جیہڑے ویلے حضرت عِیسیٰ اِک شہر وِچ سݨ، تے اُتھے اِک اِیئے جہیا بندہ آیا جِسی کوہڑ نی بیماری سی۔ اُس بندے جُوں ہی حضرت عِیسیٰ کی تکیا، تے اُنہاں نے پَیراں وِچ پئی گیا تے مِنت کرݨ لغا، ”حضُور، تُساں چاہو، تے مِکی شِفأ دیئی کے اِس تُوں پاک کری سکݨے او!“

اِنجِیل شریف (لُوقا) 5:14

فِر حضرت عِیسیٰ اُس کی آخیا، ”خبردار! ہُݨ کُسے اگے اِس گل نا ذِکر ناں کریاں! بلکہ پہلے تُوں آپوں مذہبی پیشوا کول جائی کے پیش ہو، تے آپے کی چیک کرا۔ تے جیہڑی قُربانی حضرت موسیٰ دسی اَے، او دیئی شوڑیاں! تانکہ لوکاں نے سامݨے تہاڑے ٹھِیک ہوݨے نی گواہی ہوئی جائے۔“