اِنجِیل شریف (لُوقا) 5:1 - Mirpuri-Pahari Bible

¹ اِک واری اِسرح ہویا کہ حضرت عِیسیٰ گَنیسرت نی جھِیل نے کنارے اپر کَھلتے وے سݨ، تے بہُوں سارے لوک اُنہاں اپر ٹہی کے اللّٰہ تعالیٰ نا پَیغام سُݨنے پئے سݨ۔

اِنجِیل شریف (لُوقا) 5:1 ပူးပေါင်းရင်းမြစ်များ

اِنجِیل شریف (لُوقا) 12:1

اِتنے وِچ بہُوں سارے لوک اِکٹھے ہوئی گئے اِتھے تک کہ او اِک دُوئے اپر ٹہیݨ لغی پئے۔ حضرت عِیسیٰ اپݨے صحابیاں کی مُخاطِب ہوئی کے فرمایا، ”خبردار! فریسیاں نے خمِیر تُوں بَچو، یعنی اُنہاں نی مُنافقت تُوں۔

اِنجِیل شریف (لُوقا) 5:2

جھِیل نے کنارے اپر اُنہاں دو بیڑیاں کھلتیاں تکیاں۔ مَچھیاں پوڑݨے آلے اُنہاں وِچوں لہی کے اپݨے جال توہݨے پئے سݨ۔

اِنجِیل شریف (لُوقا) 8:22

فِر اِک دیہاڑے اِسرح ہویا کہ حضرت عِیسیٰ اپݨے صحابیاں کی آخیا، ”اچھو، جھِیلے تُوں پار جُلاں۔“ او حضرت عِیسیٰ نی گل سُݨی کے اِک بیڑی وِچ بَیٹھے تے ٹُری پئے۔

اِنجِیل شریف (لُوقا) 8:23

جِس ویلے بیڑی جائی رہی سی تے حضرت عِیسیٰ کی نیندر آئی گئی۔ اچانک جھِیلے وِچ اِک زبردست قِسم نا طُوفان آیا، اِتھے تک کہ بیڑی کی لہراں وِچ ڈُبݨے نا خطرہ ہوئی گیا۔

اِنجِیل شریف (لُوقا) 8:33

فِر جِنّات اُس بندے وِچوں نِکلی کے سُوراں وِچ لغے گئے۔ جِنّات نے داخِل ہوݨے تُوں بعد سُوراں نا سارا اجڑ پہاڑی اپروں دوڑی گیا تے جھِیلے وِچ چھال ماری کے ڈُبی کے مری گیا۔

اِنجِیل شریف (لُوقا) 8:45

حضرت عِیسیٰ پِچھَے مُڑی کے سارے لوکاں کولوں پُچھیا، ”مہاڑے کپڑیاں کی کُس ہتھ لایا اَے؟“ جِس ویلے لوک اِنکار کرݨ لغے تے حضرت پَطرس آخیا، ”حضُور، لوکاں نی پہیڑ تے تکو! اے تے تُساں اپر پئے ٹہݨے اݨ!“