اِنجِیل شریف (لُوقا) 4:34 - Mirpuri-Pahari Bible

³⁴ ”او عِیسیٰ ناصری! تُوں اَساں کولوں کَے لوڑنا ایں؟ کَے تُوں اَساں کی تباہ کرنے واسطے آیا ایں؟ میں تُکی سیاݨنا آں تُوں کُݨ ایں، تُوں تے اللّٰہ تعالیٰ نا پہیجیا وا قُدُوس ایں!“

اِنجِیل شریف (لُوقا) 4:34 ပူးပေါင်းရင်းမြစ်များ

توریت شریف: پَیدایش 3:15

مَیں تُہاڑے تے زناݨی نے بشکار دُشمݨی پیدا کری شوڑساں۔ اُس نی اولاد تُہاڑی اولاد نی دشمݨ ہوسی۔ او تُہاڑے سِرے کی چُٹی شوڑسی، تے تُوں اُس نی کھُری پر ڈسسیں۔“

اِنجِیل شریف (لُوقا) 1:35

فرِشتے جواب دِتا، ”رُوحِ پاک تہاڑے اپر اُترسی، تے اللّٰہ تعالیٰ نی قُدرت تہاڑے اپر ظاہر ہوسی۔ اِس واسطے اُس پاک بچّے کی ’اللّٰہ تعالیٰ نا پُتر‘ آخیا جاسی۔

اِنجِیل شریف (لُوقا) 4:33

اُتھے بنی اِسرائیل نے عِبادت خانے وِچ اِک اِیئے جہیا بندہ سی جِس وِچ جِنّ سی۔ او زورے نال چیخیا،

اِنجِیل شریف (لُوقا) 4:41

اُنہاں بہُوں سارے لوکاں وِچوں جِنّات وی کَڈھے۔ او نِکلݨے ویلے چِیخی چِیخی کے آخݨے سݨ، ”تُوں اللّٰہ تعالیٰ نا پُتر ایں!“ پر حضرت عِیسیٰ اُنہاں کی ڈَکی شوڑیا تے فِر او چُپ ہوئی گئے، کِیئانکہ اُنہاں کی پتہ سی کہ او اللّٰہ تعالیٰ نے پہیجے وے مسِیح اݨ۔

اِنجِیل شریف (لُوقا) 8:28

او حضرت عِیسیٰ کی تکی کے اُنہاں نے پَیراں وِچ پئی گیا تے چِیخی چِیخی کے آخݨ لغا، ”عِیسیٰ، اللّٰہ تعالیٰ نے پُتر، تُساں مِکی کَے آخݨا چاہݨے او؟ خُدا ناں واسطہ اَے مِکی کُجھ ناں آخو!“

اِنجِیل شریف (لُوقا) 8:37

ریاست گَراسا نے علاقے نیاں لوکاں حضرت عِیسیٰ اگے اِلتجأ کِیتی، ”مِہربانی کری کے اَساں نے علاقے وِچوں ٹُری جاؤ۔“ در اصل او لوک بہُوں زیادہ خوف زدہ ہوئی گئے سݨ۔ اِس واسطے حضرت عِیسیٰ ریاست گلِیل در واپس جاݨے واسطے بیڑی وِچ بہی گئے۔