اِنجِیل شریف (لُوقا) 4:23 - Mirpuri-Pahari Bible

²³ پر حضرت عِیسیٰ اُنہاں کی آخیا، ”مہاڑا خیال اَے تُساں اے آخݨا چاہݨے او، ’حکِیم صاحب! پہلے آپݨا تے علاج کرو! او مُعجزے ذرا اِتھے وی کری کے دسو نا، جنہاں نے بارے وِچ مَشہُوری ہوئی اَے کہ تُساں کَفَر نَحُوم شہر وِچ کِیتے اݨ!‘“

اِنجِیل شریف (لُوقا) 4:23 ပူးပေါင်းရင်းမြစ်များ

اِنجِیل شریف (لُوقا) 2:39

فِر حضرت عِیسیٰ نی والدہ صاحبہ تے والِد صاحب اللّٰہ تعالیٰ نی شرِیعت نے مطابق فرائض نی ادائِیگی کِیتی، تے واپس ریاست گلِیل نے شہر ناصرت اپݨے کہار ٹُری گئے۔

اِنجِیل شریف (لُوقا) 2:51

فِر حضرت عِیسیٰ اپݨے والدَین نال ناصرت شہر در واپس ٹُری گئے، تے اُنہاں نے تابعدار بݨی کے رہے۔ پر اُنہاں نی والدہ صاحبہ اے ساریاں گلاں یاد رخیاں۔

اِنجِیل شریف (لُوقا) 4:16

حضرت عِیسیٰ ناصرت شہر گئے جِتھے اُنہاں نی پرورِش ہوئی سی، تے اپݨے رواج نے مطابق اِک واری ہفتے آلے مُبارک دیہاڑے او عِبادت خانے وِچ کلامِ مُقدس نی تِلاوت کرنے واسطے کَھلتے۔

اِنجِیل شریف (لُوقا) 4:31

اِس تُوں بعد حضرت عِیسیٰ ریاست گلِیل نے شہر کَفَر نَحُوم ٹُری گئے۔ اُتھے او ہفتے آلے مُبارک دیہاڑے تعلِیم دیݨ لغے۔

اِنجِیل شریف (لُوقا) 4:35

پر حضرت عِیسیٰ اُس جِنّے کی سختی نال حُکم دِتا، ”چُپ ہوئی جا! تے اِس بندے وِچوں نِکلی جا!“ جِنّے اُس بندے کی ساریاں لوکاں نے سامݨے زِیمی اپر ٹہائی سَٹیا، تے اُس وِچوں نِکلی گیا، پر اُس کی کوئی نُقصان نی پُہنچایا۔

اِنجِیل شریف (لُوقا) 6:42

جے تُساں کی اپݨی اکھی وِچ پئی وی لکڑ نی دِسݨی، تے فِر تُساں کیہڑے مونہے نال کُسے کی آخی سکݨے او، ’میں تُہاڑی اکھی وِچوں ککھ کڈھاں‘؟ اَے ریاکارو! پہلے اپݨی اکھی وِچوں لکڑ تے کڈھو، فِر دُوئے نی اکھی وِچوں وی ٹھِیک طرح نال تکی کے ککھ کڈی سکسو۔“