اِنجِیل شریف (لُوقا) 4:17 - Mirpuri-Pahari Bible

¹⁷ اُنہاں کی حضرت یسعیاہ نا صحِیفہ دِتا گیا۔ اُنہاں صحِیفے وِچوں او جغہ کَڈی جِتھے لِخیا سی،

اِنجِیل شریف (لُوقا) 4:17 ပူးပေါင်းရင်းမြစ်များ

اِنجِیل شریف (لُوقا) 16:29

حضرت اِبراہِیم اُسی آخیا، ’آگاہ کرنے واسطے اُنہاں کول حضرت مُوسیٰ تے ہور نَبیاں نیاں کِتاباں اݨ۔ او اُنہاں اپر عَمل کرݨ۔‘

اِنجِیل شریف (لُوقا) 20:42

کِیئانکہ حضرت داؤد تے آپوں زبُور نی کِتاب وِچ فرمایا سی، ”اللّٰہ تعالیٰ مہاڑے آقا کی آخیا اَے، ’تُوں مہاڑے سجّے پاسے بیہی جا،

اِنجِیل شریف (لُوقا) 4:16

حضرت عِیسیٰ ناصرت شہر گئے جِتھے اُنہاں نی پرورِش ہوئی سی، تے اپݨے رواج نے مطابق اِک واری ہفتے آلے مُبارک دیہاڑے او عِبادت خانے وِچ کلامِ مُقدس نی تِلاوت کرنے واسطے کَھلتے۔

اِنجِیل شریف (لُوقا) 4:18

’اللّٰہ تعالیٰ نا رُوحِ پاک مہاڑے اپر اَے، کِیئانکہ اُس مِکی خاص طور اپر چُݨیا اے تانکہ میں غریباں کی خُوشی نی خبر سُݨاں۔ اُس مِکی پہیجیا اے تانکہ قیدیاں کی رِہائی نا تے اَنّہیاں کی بینائی نا پَیغام سُݨاں۔ مِکی اِس واسطے وی پہیجیا گیا اَے کہ مظلُوماں کی ظُلم تُوں چھڑاں،

اِنجِیل شریف (لُوقا) 4:20

فِر حضرت عِیسیٰ صحِیفہ بند کری کے عِبادت خانہ نے خادم کی دیئی شوڑیا، تے اپݨی جغہ جائی کے بہی گئے۔ جِتنے لوک عِبادت خانے وِچ سݨ، او سارے اُنہاں کی حیرت نال تکݨ لغے۔