اِنجِیل شریف (لُوقا) 3:3 - Mirpuri-Pahari Bible

³ فِر او دریائے اُردن نے دوآں پاسیاں نے علاقے وِچ جائی کے لوکاں کی اِسرح اللّٰہ تعالیٰ نا پَیغام دیݨا شرُوع ہوئی گئے، ”اپݨے غُناہواں تُوں توبہ کرو! تے اُس نی نِشانی نے طور اپر مہاڑے کول آئی کے پاک غُسل کراؤ، تانکہ اللّٰہ تعالیٰ تُساں نے غُناہ مُعاف فرمائے!“

اِنجِیل شریف (لُوقا) 3:3 ပူးပေါင်းရင်းမြစ်များ

اِنجِیل شریف (لُوقا) 1:16

اے بڑا ہوئی کے بنی اِسرائیل نے بہُوں سارے لوکاں کی اللّٰہ تعالیٰ نے رستے اپر موڑسی، جیہڑا اُنہاں نا ربّ اَے۔

اِنجِیل شریف (لُوقا) 1:77

تُوں اُس نے لوکاں کی آخسیں کہ او کِسرح اپݨے غُناہواں نی مُعافی ہِݨی کے اُنہاں تُوں نجات حاصل کرݨ۔

اِنجِیل شریف (لُوقا) 4:1

فِر حضرت عِیسیٰ رُوحِ پاک نال پہرے وے دریائے اُردن تُوں واپس مُڑی گئے۔ او رُوحِ پاک نی ہدایت نال چالی دیہاڑے بیابان وِچ رہے،