اِنجِیل شریف (لُوقا) 24:44 - Mirpuri-Pahari Bible

⁴⁴ فِر حضرت عِیسیٰ اُنہاں کی آخیا، ”اے مہاڑیاں او گلاں اݨ جیہڑیاں میں تُساں کی اُس ویلے آخیاں سݨ جیہڑے ویلے میں تُساں نال ساں، کہ جو کُجھ مہاڑے بارے وِچ توراة شرِیف، زبُور شرِیف تے نبیاں نے صحِیفیاں وِچ لِخیا وا اے، او سارا لازمی پُورا ہوݨا سی۔“

اِنجِیل شریف (لُوقا) 24:44 ပူးပေါင်းရင်းမြစ်များ

توریت شریف: پَیدایش 14:18

تے مَلکی صدق، جیہڑا شہر سالم نا بادشاہ سی، اُس روٹی تے انگُوراں نی شراب آندی. او اللّٰہ سبحانه و تعالیٰ نی طرفوں مذہبی پیشوا مقرر کِیتا گیا سی۔

توریت شریف: پَیدایش 22:18

تے تُہاڑیاں نسلاں نے وسیلے نال دُنیا نیاں ساریاں قوماں برکت کِہنسݨ، کِیئانکہ تُوں مہاڑی گل مَنی اے۔“

توریت شریف: پَیدایش 3:15

مَیں تُہاڑے تے زناݨی نے بشکار دُشمݨی پیدا کری شوڑساں۔ اُس نی اولاد تُہاڑی اولاد نی دشمݨ ہوسی۔ او تُہاڑے سِرے کی چُٹی شوڑسی، تے تُوں اُس نی کھُری پر ڈسسیں۔“

توریت شریف: پَیدایش 49:10

یہوداہ، تہاڑی بادشاہی کدے ختم نی ہوݨ لغی، بلکہ شاہی اِختیار اُس ویلے تک تُہاڑی اولاد کول رہسی جدوں تک او حاکم نی آئی جاݨا جِس نے تابع ساریاں قوماں رہسݨ۔

اِنجِیل شریف (لُوقا) 21:22

کِیئانکہ او دیہاڑے غُنہگاراں کی سزا دیݨے نے دیہاڑے ہوسݨ تانکہ کلامِ پاک نیاں ساریاں گلاں پُوریاں ہوݨ۔

اِنجِیل شریف (لُوقا) 22:37

کِیئانکہ میں تُساں کی دسی شوڑݨا آں کہ مہاڑے بارے وِچ جیہڑی پیشنگوئی ہوئی وی اَے کہ ’اُس نا شُمار غُنہگاراں وِچ کِیتا گیا‘ او ضرُور پُوری ہوسی۔ کِیئانکہ ہر گل جیہڑی صحائفُ الانبیاء وِچ مہاڑے بارے وِچ لِخی گئی اَے، او ہُݨ پُوری ہوݨے آلی اَے۔“

اِنجِیل شریف (لُوقا) 24:46

اُنہاں آخیا، ”کلامِ پاک وِچ لِخیا وا اَے کہ، ’اچھݨے آلے مسِیح اپر دُکھ تے تکلِیفاں اچھسݨ، تے مَرنے تُوں بعد ترِیئے دیہاڑے فِر زِندہ ہوئی جاسی۔‘

اِنجِیل شریف (لُوقا) 9:22

فِر اُنہاں آخیا، ”اے تے لازمی اَے کہ اِبنِ اِنسان یعنی کہ میں دُکھ تے تکلیفاں تکاں، بنی اسرائیلی بڑے بَڈیرے، بڑے مذہبی پیشوا تے عُلمأ لوک مہاڑا اِنکار کرݨ، مِکی مَروائی شوڑݨ تے ترِیئے دیہاڑے اللّٰہ تعالیٰ مِکی زِندہ کری شوڑے۔“

اِنجِیل شریف (لُوقا) 9:44

”مہاڑیاں گلاں غور نال سُݨو! اِبنِ اِنسان کی یعنی کہ مِکی، لوکاں نے حوالے کِیتا جاسی۔“