اِنجِیل شریف (لُوقا) 24:28 - Mirpuri-Pahari Bible

²⁸ اِتنے وِچ او سارے اُس گراں کول پہُنچی گئے جِتھے او دو جائی رہے سݨ۔ پر حضرت عِیسیٰ نی ٹور اپروں اِسرح لغݨا سی کہ اُنہاں کُدرے اگے جاݨا اَے۔

اِنجِیل شریف (لُوقا) 24:28 ပူးပေါင်းရင်းမြစ်များ

توریت شریف: پَیدایش 19:2

اُنہاں آخیا، ”اے مہاڑے مالک، مہاڑے نال مہاڑے کہار اچھو. اپݨے پیر تہؤ، راتی آرام کرو، تے سویرے اُٹھی کے اپݨا سفر جاری رخیا.“ اُنہاں جواب دِتا، ”ناں، اساں چوکے وِچ ہی رات لنگاساں۔“

توریت شریف: پَیدایش 32:26

فِر بندے آخیا، ”مِکی جاݨ دے، کِیئانکہ پَو پھُٹی گئی اَے.“ پر حضرت یعقُوب آخیا، ”جس ویلے تک تُساں مِکی برکت ناں دیسو، میں تُساں کی جاݨ نی دیݨا۔“

توریت شریف: پَیدایش 42:7

حضرت یُوسف اپݨیاں پہراواں کی تکی کے سیاݨی کہندا، پر او اپݨیاں پہراواں اگے اَنجان بݨے، تے اُںہاں کولوں سختی نال پُچھیا، ”تُساں کُتھوں آئے او؟» اُنہاں جواب دِتا، ”اساں ملخ کَنعان توں غلہ خریدݨے واسطے آئے آں۔»

اِنجِیل شریف (لُوقا) 24:29

پر اُنہاں حضرت عِیسیٰ کی مجبُور کری شوڑیا تے آخیا، ”ہُݨ بہُوں دیر ہوئی گئی اَے، نماشاں ہوݨے آلیاں اݨ۔ اَج تُساں ساڑے کول ہی رَہو۔“ اِس واسطے او اُنہاں کول ٹھہرنے واسطے اُنہاں نال ٹُری گئے۔