اِنجِیل شریف (لُوقا) 23:22 - Mirpuri-Pahari Bible

²² پیلاطُس صاحب تری واری فِر اُنہاں کولوں پُچھیا، ”پر اِس کَے جُرم کِیتا اے؟ میں تے اِس وِچ اِیئے جہئی کوئی گل نی تکی جِس نی سزا موت ہووے۔ اِس واسطے میں اِس کی کوڑے مروائی کے چھوڑنا آں۔“

اِنجِیل شریف (لُوقا) 23:22 ပူးပေါင်းရင်းမြစ်များ

اِنجِیل شریف (لُوقا) 23:14

اُس اُنہاں کی آخیا، ”تُساں اِس بندے کی مہاڑے کول آندا اَے تے آخیا کہ ’اے لوکاں کی گُمراہ کرنا اَے‘۔ تُساں نے سامݨے میں اِس نی تحقِیقات کِیتی اَے، پر جیہڑیاں گلاں نا اِلزام تُساں اِس اپر پئے لاݨے او، اُنہاں وِچوں میں تے کوئی قصُور وی اِس وِچ نی تکیا اے۔

اِنجِیل شریف (لُوقا) 23:16

اِس واسطے میں اِس کی کوڑے مروائی کے چھوڑی دیݨا آں۔“

اِنجِیل شریف (لُوقا) 23:20

پیلاطُس صاحب چاہݨا سی کہ حضرت عِیسیٰ کی چھوڑی دے۔ اِس واسطے اُس لوکاں کی دُوئی واری پُچھیا۔

اِنجِیل شریف (لُوقا) 23:21

پر اُنہاں ساریاں لوکاں چِیخی چِیخی کے آخیا، ”اِس کی سُولی اپر چاہڑو! اِس کی سُولی اپر چاہڑو!“

اِنجِیل شریف (لُوقا) 23:23

پر او لوک ہور وی چِیخی چِیخی کے حضرت عِیسیٰ نے بارے وِچ آخݨ لغے، ”اِس کی سُولی اپر چاہڑو!“ آخرکار اُنہاں نی گل منی گئی،

اِنجِیل شریف (لُوقا) 23:4

فِر پیلاطُس صاحب بڑے مذہبی پیشوانواں تے سارے لوکاں کی آخیا، ”مِکی تے اِس بندے وِچ کوئی غلطی نظر نی آئی!“