اُنہاں حضرت عِیسیٰ اپر اِلزام لاݨا شرُوع کِیتے۔ اُنہاں آخیا، ”اَساں تکیا اَے کہ اے بندہ اَساں نی قوم کی گُمراہ کرنا اَے۔ اے لوکاں کی آخݨا اَے، ’رُومی بادشاہ کی ٹیکس ناں دیو!‘ تے اے گل وی آخݨا اے، ’میں اللّٰہ تعالیٰ نا پہیجیا وا مسِیح یعنی بادشاہ آں!‘ “
پر لوکاں ہور وی زور نال چِیخی چِیخی کے آخیا، ”اے پُوری ریاست یہُودیہ وِچ لوکاں کی تعلِیم دیئی دیئی کے ورغلاݨا جاݨا اَے! اے ہُݨ ریاست گلِیل تُوں کِہنی کے اِتھے تک پُہنچی آیا اے!“