اِنجِیل شریف (لُوقا) 22:52 - Mirpuri-Pahari Bible

⁵² جیہڑے ویلے بڑے مذہبی پیشوا، بڑے عِبادت خانے نی حِفاظت کرنے آلے سِپاہیاں نے اَفسر، تے بنی اِسرائیلیاں نے بڑے بَڈیرے حضرت عِیسیٰ کی پغڑݨے واسطے آئے وے سݨ، حضرت عِیسیٰ اُنہاں لوکاں کی آخیا، ”تُساں کِیئاں مِکی کوئی ڈاکُو سمجھی کے تَلواراں تے ڈنڈے کِہنی کے آئے او؟

اِنجِیل شریف (لُوقا) 22:52 ပူးပေါင်းရင်းမြစ်များ

اِنجِیل شریف (لُوقا) 22:37

کِیئانکہ میں تُساں کی دسی شوڑݨا آں کہ مہاڑے بارے وِچ جیہڑی پیشنگوئی ہوئی وی اَے کہ ’اُس نا شُمار غُنہگاراں وِچ کِیتا گیا‘ او ضرُور پُوری ہوسی۔ کِیئانکہ ہر گل جیہڑی صحائفُ الانبیاء وِچ مہاڑے بارے وِچ لِخی گئی اَے، او ہُݨ پُوری ہوݨے آلی اَے۔“

اِنجِیل شریف (لُوقا) 22:4

اُس کَے کِیتا کہ بڑے مذہبی پیشوانواں تے بڑے عِبادت خانے نی حِفاظت کرنے آلے سِپاہیاں نے اَفسراں نال مشورہ کِیتا، کہ کِسرح حضرت عِیسیٰ کی اُنہاں نے حوالے کَرے۔

اِنجِیل شریف (لُوقا) 22:51

پر حضرت عِیسیٰ آخیا، ”بَس! بَس کرو!“ اے آخی کے اُنہاں اُس بندے نے کَنّے نال اپݨا ہتھ مُبارک لایا، تے او ٹھِیک ٹھاک ہوئی گیا۔

اِنجِیل شریف (لُوقا) 22:53

میں ہر روز بڑے عِبادت خانے وِچ تُساں کول ہوݨا ساں، پر تُساں اُس ویلے مِکی پغڑݨے نی کوشِش نی کِیتی۔ ہُݨ تُساں نا ویلا اَے، کِیئانکہ اِس ویلے نہیرے نا راج اَے۔“