اِنجِیل شریف (لُوقا) 22:35 - Mirpuri-Pahari Bible

³⁵ فِر حضرت عِیسیٰ صحابیاں کی آخیا، ”جِس ویلے میں تُساں کی بَٹّوے، تَھیلے تے فالتُو جُتیاں تُوں بغَیر پہیجیا سی، تے تُساں کی کُسے چِیز نی کمی ہوئی سی؟“ اُنہاں جواب دِتا، ”ناں جی!“

اِنجِیل شریف (لُوقا) 22:35 ပူးပေါင်းရင်းမြစ်များ

توریت شریف: پَیدایش 48:15

اُنہاں حضرت یُوسف کی برکت دیݨیاں آخیا، «اللّٰہ تعالیٰ جس نے سامݨے مہاڑے پیؤ حضرت اسحاق تے مہاڑے دادے حضرت اِبراہِیم اپݨا زمانہ پورا کیتا، تے او اللّٰہ تعالیٰ جس ساری عمر اَج نے دیہاڑے تک مہاڑی رکھوالی کیتی اَے،

اِنجِیل شریف (لُوقا) 10:4

اپݨے نال فالتُو سامان کُجھ وی ناں کَھڑو، ناں کوئی تھیلا، ناں بَٹّوا، ناں فالتُو جُتی۔ تے راہ وِچ کُسے کول رُکی کے سلام دُعا کرنے وِچ ویلا وی ضائع ناں کرو۔

اِنجِیل شریف (لُوقا) 22:34

اے گل سُݨی کے حضرت عِیسیٰ اُنہاں کی جواب دِتا، ”پطرس، یاد رخ! اَج سرگی ویلے کُکڑے نی بانگاں کولوں پہلے تُوں ترَے واری مِکی سیاݨنے تُوں وی اِنکار کرسیں۔“

اِنجِیل شریف (لُوقا) 22:36

فِر حضرت عِیسیٰ اُنہاں کی آخیا، ”پر ہُݨ جِس کُسے کول بٹّوا تے تَھیلا اَے وَے، او اُسی اپݨے نال کِہنی کَھڑے۔ تے جِس کُسے کول تَلوار نی، او اَپݨا کوٹ وی بیچی کے تَلوار خریدی کِہنے!

اِنجِیل شریف (لُوقا) 9:3

اپݨے نال فالتُو پہار کُجھ وی ناں کِہنو، ناں سوٹی، ناں تھیلا، ناں روٹی، ناں پَیسہ، ناں فالتُو کپڑے۔