اِنجِیل شریف (لُوقا) 22:16 - Mirpuri-Pahari Bible

¹⁶ کِیئانکہ میں تُساں کی دسی شوڑاں کہ عِیدی نا اے کھاݨا میں اُس ویلے تک فِر ناں کھاساں جیہڑے ویلے تک کہ اِس نا مقصد اللّٰہ تعالیٰ نی بادشاہی وِچ مُکمل طور اپر پُورا ناں ہووے ۔“

اِنجِیل شریف (لُوقا) 22:16 ပူးပေါင်းရင်းမြစ်များ

اِنجِیل شریف (لُوقا) 12:37

خُوش نصیب اݨ او نوکر جِنہاں نا مالک اچھݨا اے تے او اُس نے اِستقبال واسطے تیار ہوئے وے ہوݨ۔ یقِین کرو کہ مالک اُنہاں نال بہُوں خُوش ہوسی تے اُنہاں نی بہُوں خِدمت کرسی۔

اِنجِیل شریف (لُوقا) 14:15

مہماناں وِچوں جیہڑے اُتھے بَیٹھے وے سݨ اِک بندے آخیا، ”خُوش بخت اݨ او جیہڑے اللّٰہ پاک نی بادشاہی وِچ دَعوت کھاسݨ!“

اِنجِیل شریف (لُوقا) 22:15

تے اُنہاں اپݨے صحابیاں کی آخیا، ”مہاڑی بہُوں سخت خواہش سی کہ دُکھ سہݨے تُوں پہلے اِس عِیدی نا کھاݨا میں تُساں نال بیہی کے کھاں۔

اِنجِیل شریف (لُوقا) 22:18

کِیئانکہ میں تُساں کی دسی شوڑاں کہ انگُوراں نا رس میں اُس ویلے تک فِر ناں پِیݨا، جدُوں تک اللّٰہ تعالیٰ نی بادشاہی نا ویلا ناں آئی جائے۔“

اِنجِیل شریف (لُوقا) 22:30

تانکہ مہاڑی بادشاہی وِچ تُساں وی مہاڑے نال کھاؤ پِیؤ بلکہ تُساں شاہی تختاں اپر بیہی کے بنی اِسرائیل نے باراں قبیلیاں نا اِنصاف کرو۔“