اِنجِیل شریف (لُوقا) 22:11 - Mirpuri-Pahari Bible

¹¹ اُتھے جائی کے کہرے نے مالکے کی مہاڑا آخو کہ، ’اُستاد جی پُچھݨے اݨ، مہمان خانہ کُتھے اَے جِتھے میں تے مہاڑے ساتھی عِیدی نی روٹی کھاساں؟‘

اِنجِیل شریف (لُوقا) 22:11 ပူးပေါင်းရင်းမြစ်များ

اِنجِیل شریف (لُوقا) 19:31

تے کدے کوئی تُساں کولوں پُچھے، ’اِس کی کِیئاں کھولݨے او؟‘ تے اُسی آخو، ’ساڑے مالکے کی اِس نی لوڑ اَے۔‘

اِنجِیل شریف (لُوقا) 19:34

صحابیاں جواب دِتا، ”اَساں نے مالکے کی اِس نی لوڑ اَے۔“

اِنجِیل شریف (لُوقا) 19:5

جیہڑے ویلے حضرت عِیسیٰ اُس جغہ پُہنچے، تے اُنہاں اپر تکی کے اُسی آخیا، ”زکائی، جلدی تھَلے آ! اَج ضرُوری اَے کہ میں تہاڑے کہار رہاں!“

اِنجِیل شریف (لُوقا) 22:10

حضرت عِیسیٰ اُنہاں کی آخیا، ”جیہڑے ویلے تُساں شہر وِچ جاسو تے اُتھے تُساں کی اِک بندہ لبھسی جیہڑا پاݨِیئے نا کَہڑا چائی کے ٹُرنا ہوسی۔ او جِس کہار جاسی تُساں وی اُس نے پِچھے پِچھے ٹُری جاؤ۔

اِنجِیل شریف (لُوقا) 22:12

او بندہ آپوں تُساں کی اپرلی مَنزل اپر کھڑی کے اِک بڑا کَمرہ دَسسی، جیہڑا اَساں واسطے بِلکُل تیار ہوسی۔ تُساں روٹی اُتھے ہی تیار کرو۔“