اِنجِیل شریف (لُوقا) 20:6 - Mirpuri-Pahari Bible

⁶ پر جے کدے اَساں اے آخاں، ’کُسے بندے نی طرفوں‘ تے اَساں کی عوام بٹّیاں نال ماری شوڑسی، کِیئانکہ لوک سارے تے یحییٰ کی اللّٰہ تعالیٰ نا پیغمبر مننے اݨ۔“

اِنجِیل شریف (لُوقا) 20:6 ပူးပေါင်းရင်းမြစ်များ

اِنجِیل شریف (لُوقا) 1:76

”اَے مہاڑے بچّے، تُکی اللّٰہ تعالیٰ نا نبی آخیا جاسی، کِیئانکہ تُوں ربّ تُوں پہلے ٹُری کے اُس نا راہ تیار کرسیں۔

اِنجِیل شریف (لُوقا) 20:5

اے گل سُݨی کے او لوک اِک دُوئے نال بحث کرن لغے، ”اَساں کَے آخاں؟ کدے اَساں اے گل آخاں کہ ’او اللّٰہ تعالیٰ نی طرفوں سی‘ تے اے آخسی، ’فِر تُساں یحییٰ اپر اِیمان کِیئاں نی سی آندا؟‘

اِنجِیل شریف (لُوقا) 20:7

اس واسطے اُنہاں جواب دِتا، ”اَساں کی نی پتہ اُسی پاک غُسل کرنے نا اِختیار کُتھوں لبھا سی۔“

اِنجِیل شریف (لُوقا) 7:30

پر فریسی فِرقے آلیاں تے علمأ شرِیعت حضرت یحییٰ کولوں پاک غُسل نی سی کروایا، اِسے واسطے اُنہاں اپݨے بارے وِچ اللّٰہ تعالیٰ نے مقصد کی رد کِیتا۔