اِنجِیل شریف (لُوقا) 20:46 - Mirpuri-Pahari Bible

⁴⁶ ”شرِیعت نے عالماں تُوں بچی کے رہو جیہڑے لَمّے لَمّے چُغے لائی کے پِھرنا پسند کرنے اݨ۔ اے چاہݨے اݨ کہ لوک بازاراں تے گلیاں وِچ اِنہاں کی بہُوں ہی اَدب نال سَلام کریا کرݨ۔ دَعوت آلے کہراں تے عِبادت خانیاں وِچ اے ساریاں کولوں چَنگی جغہ اپر بَیہݨا پسند کرنے اݨ۔

اِنجِیل شریف (لُوقا) 20:46 ပူးပေါင်းရင်းမြစ်များ

اِنجِیل شریف (لُوقا) 11:43

او فریسیو، تُساں اپر اَفسوس! تُساں چاہݨے او کہ بنی اِسرائیل نے عِبادت خانیاں وِچ لوک تُساں کی خاص خاص جغاں اپر اگے بہالݨ، تے بازاراں وِچ تُساں کی بہُوں ہی اَدب نال چُہکی چُہکی کے سلام کریا کرݨ۔

اِنجِیل شریف (لُوقا) 12:1

اِتنے وِچ بہُوں سارے لوک اِکٹھے ہوئی گئے اِتھے تک کہ او اِک دُوئے اپر ٹہیݨ لغی پئے۔ حضرت عِیسیٰ اپݨے صحابیاں کی مُخاطِب ہوئی کے فرمایا، ”خبردار! فریسیاں نے خمِیر تُوں بَچو، یعنی اُنہاں نی مُنافقت تُوں۔

اِنجِیل شریف (لُوقا) 14:7

جیہڑے ویلے حضرت عِیسیٰ تکیا کہ اچھݨے آلے مہماناں نی کوشِش اَے کہ بیہݨے واسطے کوئی چَنگی جہی جغہ ہووے، تے اُنہاں اے مِثال سُݨائی،

اِنجِیل شریف (لُوقا) 20:47

اے بیوَاں مَسکِیناں نے کَہراں اپر قبضہ کری کِہننے اݨ تے لوکاں کی دَسݨے واسطے لَمیاں لَمیاں دُعاواں کرنے اݨ۔ اِنہاں کی زیادہ سزا لبھسی!“