اِنجِیل شریف (لُوقا) 20:37 - Mirpuri-Pahari Bible

³⁷ فِر حضرت عِیسیٰ آخیا، ”اگر تُساں نا سوال اے اَے کہ مُردے زِندہ کِیتے جاسݨ یا نی، تے اُس نے بارے وِچ حضرت مُوسیٰ وی اے ظاہر کِیتا سی جِس ویلے اگ بلݨے آلی جھاڑی نے واقعے اپر اللّٰہ تعالیٰ فرمایا، ’میں اِبراہِیم، اِسحاق تے یعقُوب نا خُدا آں۔‘

اِنجِیل شریف (لُوقا) 20:37 ပူးပေါင်းရင်းမြစ်များ

توریت شریف: پَیدایش 17:7

میں تہاڑے نال تے تہاڑے تُوں بعد تُہاڑیاں نسلاں نال بلکہ اِنہاں نیاں ساریاں پُشتاں نال، اپݨا ابدی عہد کرساں. یعنی، میں تہاڑا تے تہاڑے بعد تُہاڑیاں نسلاں نا خُدا ہوساں۔

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:21

تے جے میں خیری نال اپݨے پیؤ نے کہار مُڑی کے پہنچاں، تے اے رب فِر تُوں ہی مہاڑا خُدا ہوسیں،

توریت شریف: پَیدایش 32:9

فِر حضرت یعقُوب دعا کیتی، ”اے مہاڑے دادا ابراہیم اور مہاڑے باپ اسحاق نے خدا، مہاڑی دعا سݨ! اے رب، تُوں آپوں مِکی دسیا، ’اپݨے ملک تے رشتے داراں کول واپس جا، تے میں تُکی کامیابی دیساں۔‘