اِنجِیل شریف (لُوقا) 20:14 - Mirpuri-Pahari Bible

¹⁴ پر جیہڑے ویلے مزاریاں مالکے نے پُترے کی تکیا تے اِک دُوئے کی آخݨ لغے، ’اے ہی اَے وَے جیہڑا اِس باغے نا وارِث اَے۔ اچھو، اَساں اِس کی ماری شوڑاں تانکہ باغ اَساں نا ہوئی جائے۔‘

اِنجِیل شریف (لُوقا) 20:14 ပူးပေါင်းရင်းမြစ်များ

اِنجِیل شریف (لُوقا) 19:47

حضرت عِیسیٰ روز بڑے عِبادت خانے وِچ جائی کے لوکاں کی تعلِیم دیݨے ہوݨے سݨ۔ بڑے مذہبی پیشوانواں، شرِیعت نے عالماں تے بنی اِسرائیل نے بڑے بَڈیریاں نی بہُوں کوشِش سی کہ کُسے طرح اُنہاں کی شہیِد کری شوڑݨ۔

اِنجِیل شریف (لُوقا) 20:13

آخر اپر مالکے سوچیا، ’میں کَے کراں؟ اِسرح کراں کہ اپݨے لاڈلے پُترے کی پہیجاں، شاید او اِس نا لحاظ کرݨ۔‘

اِنجِیل شریف (لُوقا) 20:15

اِس واسطے اُنہاں اُس اپر حملہ کِیتا تے اُسی باغے تُوں باہر سٹی کے قتل کری شوڑیا۔“ مِثال ختم کری کے حضرت عِیسیٰ پُچھیا، ”ہُݨ تُساں دَسو، باغے نا مالک اُنہاں مزاریاں نال کَے سلُوک کرسی؟

اِنجِیل شریف (لُوقا) 20:19

جِس ویلے شرِیعت نے عالماں تے بڑے مذہبی پیشوانواں حضرت عِیسیٰ نیاں اے گلاں سُݨیاں، تے او اے ساریاں گلاں اُنہاں نے خِلاف ہی پئیاں ہوݨیاں اݨ۔ اِس واسطے او اُسے ہی ویلے حضرت عِیسیٰ کی پغڑی کے بَݨنا چاہݨے سݨ، پر لوکاں کولوں ڈرنے سݨ۔

اِنجِیل شریف (لُوقا) 20:5

اے گل سُݨی کے او لوک اِک دُوئے نال بحث کرن لغے، ”اَساں کَے آخاں؟ کدے اَساں اے گل آخاں کہ ’او اللّٰہ تعالیٰ نی طرفوں سی‘ تے اے آخسی، ’فِر تُساں یحییٰ اپر اِیمان کِیئاں نی سی آندا؟‘

اِنجِیل شریف (لُوقا) 22:2

بڑے مذہبی پیشوا تے شرِیعت نے عالم حضرت عِیسیٰ کی شہیِد کرنے نا منصُوبہ بݨاݨ لغے، پر او اِس گل کی سوچی کے ڈرنے سݨ کہ ”عوام اپر اِس گل نا اَثر کَے ہوسی؟“