اِنجِیل شریف (لُوقا) 2:39 - Mirpuri-Pahari Bible

³⁹ فِر حضرت عِیسیٰ نی والدہ صاحبہ تے والِد صاحب اللّٰہ تعالیٰ نی شرِیعت نے مطابق فرائض نی ادائِیگی کِیتی، تے واپس ریاست گلِیل نے شہر ناصرت اپݨے کہار ٹُری گئے۔

اِنجِیل شریف (لُوقا) 2:39 ပူးပေါင်းရင်းမြစ်များ

اِنجِیل شریف (لُوقا) 1:26

بی بی اَلیشبَع نے حمل نا چھینواں مہینہ سی کہ اللّٰہ تعالیٰ اپݨے فرِشتے حضرت جِبرائیل کی ریاست گلِیل نے شہر ناصرت وِچ

اِنجِیل شریف (لُوقا) 1:6

حضرت زکریاہ تے اُنہاں نی بِیوی دوئے پرہیزگار سݨ، تے او بہُوں خلُوص نال اللّٰہ تعالیٰ نی شرِیعت اپر چلݨے سݨ۔

اِنجِیل شریف (لُوقا) 2:4

فِر اِسرح ہویا کہ حضرت یُوسف وی ریاست گلِیل نے شہر ناصرت تُوں گئے تانکہ ریاست یہُودیہ نے شہر بیتِ لحم وِچ اپݨا ناں لِخاݨ۔ بیتِ لحم او جغہ سی جِتھے صدیاں پہلے بادشاہ حضرت داؤد پیدا ہوئے سݨ۔ تے حضرت یُوسف اُتھے اِس واسطے گئے سݨ کِیئانکہ او حضرت داؤد نی نسل وِچوں سݨ۔

اِنجِیل شریف (لُوقا) 2:51

فِر حضرت عِیسیٰ اپݨے والدَین نال ناصرت شہر در واپس ٹُری گئے، تے اُنہاں نے تابعدار بݨی کے رہے۔ پر اُنہاں نی والدہ صاحبہ اے ساریاں گلاں یاد رخیاں۔

اِنجِیل شریف (لُوقا) 4:16

حضرت عِیسیٰ ناصرت شہر گئے جِتھے اُنہاں نی پرورِش ہوئی سی، تے اپݨے رواج نے مطابق اِک واری ہفتے آلے مُبارک دیہاڑے او عِبادت خانے وِچ کلامِ مُقدس نی تِلاوت کرنے واسطے کَھلتے۔

اِنجِیل شریف (لُوقا) 4:23

پر حضرت عِیسیٰ اُنہاں کی آخیا، ”مہاڑا خیال اَے تُساں اے آخݨا چاہݨے او، ’حکِیم صاحب! پہلے آپݨا تے علاج کرو! او مُعجزے ذرا اِتھے وی کری کے دسو نا، جنہاں نے بارے وِچ مَشہُوری ہوئی اَے کہ تُساں کَفَر نَحُوم شہر وِچ کِیتے اݨ!‘“