اِنجِیل شریف (لُوقا) 2:28 - Mirpuri-Pahari Bible

²⁸ جیہڑے ویلے حضرت شمعُون، حضرت عِیسیٰ کی تکیا، تے اُنہاں اپݨیاں باہنواں وِچ چائی کِہندا۔ اُنہاں اللّٰہ تعالیٰ نی تعرِیف بیان کرنے ہویاں آخیا،

اِنجِیل شریف (لُوقا) 2:28 ပူးပေါင်းရင်းမြစ်များ

اِنجِیل شریف (لُوقا) 1:46

بی بی مَریم آخیا، ”میں سچے دِلے نال اللّٰہ تعالیٰ نی تعرِیف کرنی آں۔

اِنجِیل شریف (لُوقا) 1:64

فِر اِسرح ہویا کہ اُسے ویلے اِک دم حضرت زکریاہ نی زبان کُھلی گئی، تے او ٹھِیک ٹھاک بولݨ لغی پئے۔ اُنہاں اللّٰہ تعالیٰ نا شُکر ادا کِیتا، تے اُس نی حمد و ثنا کرݨ لغی پئے۔

اِنجِیل شریف (لُوقا) 1:68

اُنہاں آخیا، ”سُبحان اللّٰہ! الحمدُ للّٰہ! بنی اِسرائیل نے خُدا نا شُکر اَے! اُس اَساں اپر نظرِ کرم کِیتی اَے تے اَساں کی آزادی بخشی اَے۔

اِنجِیل شریف (لُوقا) 2:20

فِر چرواہے اُنہاں ساریاں گلاں نی وجہ تُوں جیہڑیاں اُنہاں تکیاں تے سُݨیاں سݨ اللّٰہ تعالیٰ نی تعرِیف بیان کرنے کرنے مُڑی کے ٹُری گئے، کِیئانکہ فرِشتے اُنہاں کی جو کُجھ آخیا سی او سارا اُنہاں اپݨیاں اکھیاں نال تکی کِہندا سی۔

اِنجِیل شریف (لُوقا) 2:27

اُسے دیہاڑے رُوحِ پاک نے ذرِیعے اُنہاں کی الہام ہویا کہ او بڑے عِبادت خانے در جاݨ، تے او ٹُری گئے۔ اُسے ویلے حضرت عِیسیٰ نے والدَین اُنہاں کی بڑے عِبادت خانے وِچ آندا، تانکہ شرِیعت نے حُکم کی پُورا کرݨ۔

اِنجِیل شریف (لُوقا) 2:29

”شُکر اے اللّٰہ تعالیٰ! تُوں اپݨا وعدہ پُورا کِیتا اَے۔ ہُݨ تُوں اپݨے اِس بندے کی اپݨے کول بُلائی کِݨ۔