اِنجِیل شریف (لُوقا) 2:10 - Mirpuri-Pahari Bible

¹⁰ پر فرِشتے اُنہاں کی آخیا، ”ڈرو ناں! میں تُساں واسطے بہُوں چنگی خبر آندی اَے۔ اے ساریاں واسطے خُوشی نا باعِث ہوسی۔

اِنجِیل شریف (لُوقا) 2:10 ပူးပေါင်းရင်းမြစ်များ

توریت شریف: پَیدایش 12:3

جیہڑے تُکی مبارک دیسݨ، اُنہاں کی میں برکت دیساں. تے جیہڑا تُہاڑے پر لعنت پہیجسی، اُس اپر میں لعنت پہیجساں. تے دُنیا اپر ساریاں قوماں تہاڑے وسیلے نال برکت کِہنسݨ۔“

اِنجِیل شریف (لُوقا) 1:13

فرِشتے اُنہاں کی آخیا، ”زکریاہ، تُوں ڈَر ناں! اللّٰہ تعالیٰ تُہاڑی دُعا قبُول کری شوڑی اَے۔ تُہاڑی بِیوی کی پُتر ہوسی، تے تُوں اُس نا ناں یَحییٰ رخیاں۔

اِنجِیل شریف (لُوقا) 1:19

فرِشتے جواب دِتا، ”میں جِبرائیل آں، جیہڑا اللّٰہ تعالیٰ نی خِدمت وِچ حاضر رہݨا آں۔ مِکی اللّٰہ تعالیٰ آپوں تہاڑے کول پہیجیا اَے، تانکہ تُکی اے خُوشخبری دیاں تے اے ساریاں گلاں دسی شوڑاں۔

اِنجِیل شریف (لُوقا) 1:30

فِر فرِشتے آخیا، ”مَریم، تُوں ڈر ناں! اللّٰہ تعالیٰ تہاڑے اپر فضل کِیتا اَے۔

اِنجِیل شریف (لُوقا) 2:11

اِس نی وجہ اے اَے کہ اَج بیتِ لحم شہر وِچ تُساں واسطے اِک غُناہواں تُوں نجات دیݨے آلا پیدا ہویا۔ او اللّٰہ تعالیٰ نے پہیجے وے مسِیح اݨ، او مالِک اݨ۔

اِنجِیل شریف (لُوقا) 24:47

اے وی لِخیا وا اَے کہ یرُوشلم شہر تُوں شرُوع کری کے ساری دُنیا وِچ اُس نے ناں اپر اِس گل نی لازمی تبلِیغ کِیتی جائے کہ ’تُساں توبہ کرو، تے فِر تُساں کی اپݨے غُناہواں نی مُعافی لبھسی‘۔

اِنجِیل شریف (لُوقا) 8:1

فِر اِس تُوں بعد حضرت عِیسیٰ مُختلِف شہراں تے گرانواں وِچ جائی کے اللّٰہ تعالیٰ نی بادشاہی نے بارے وِچ خُوشخبری لوکاں کی سُݨاݨے رہے۔ اُنہاں نے باراں صحابہ کرام اُنہاں نے نال سݨ،