اِنجِیل شریف (لُوقا) 19:44 - Mirpuri-Pahari Bible

⁴⁴ او تُکی تے تہاڑے لوکاں کی بِلکُل تباہ کرسݨ۔ او تُہاڑی اِٹ نال اِٹ بَجائی شوڑسݨ، کِیئانکہ تہاڑے لوکاں اُس موقعے کی ضائع کِیتا جیہڑے ویلے اللّٰہ تعالیٰ اُنہاں اپر نظرِ کرم کِیتی سی۔“

اِنجِیل شریف (لُوقا) 19:44 ပူးပေါင်းရင်းမြစ်များ

اِنجِیل شریف (لُوقا) 1:68

اُنہاں آخیا، ”سُبحان اللّٰہ! الحمدُ للّٰہ! بنی اِسرائیل نے خُدا نا شُکر اَے! اُس اَساں اپر نظرِ کرم کِیتی اَے تے اَساں کی آزادی بخشی اَے۔

اِنجِیل شریف (لُوقا) 1:78

اے سارا کُجھ اِس واسطے ہوسی کِیئانکہ اللّٰہ تعالیٰ بہُوں ہی رحِیم و کرِیم ذات اَے، تے او صُبح نے سُورج نی طرح آسماناں وِچوں اَساں کول اچھسی۔

اِنجِیل شریف (لُوقا) 19:42

اُنہاں آخیا، ”افسوس تہاڑے لوک امن و سلامتی نیاں گلاں اَج وی سمجھی کِہننے! پر ہُݨ او گلاں تہاڑیاں اکھاں تُوں چھپی گئیاں!

اِنجِیل شریف (لُوقا) 21:6

”اَج جیہڑیاں عمارتاں تُساں بہُوں تعجّب نال تکݨے او، اِک دیہاڑا اچھسی جِس ویلے سب کُجھ ٹائی دِتا جاسی تے اِک وی پتھر اپݨی جغہ اپر ناں رہسی!“