اِنجِیل شریف (لُوقا) 19:29 - Mirpuri-Pahari Bible

²⁹ جِس ویلے او کوہِ زَیتُون اپر اُس جغہ پُہنچے جِتھے بیتِ فاجی تے بیتِ عِنیاہ گراں سݨ، تے اُنہاں اپݨے صحابیاں وِچوں دوآں صحابیاں کی اے آخی کے اَگے پہیجیا،

اِنجِیل شریف (لُوقا) 19:29 ပူးပေါင်းရင်းမြစ်များ

اِنجِیل شریف (لُوقا) 19:30

”سامݨے آلے گرائیں وِچ جاؤ تے اُتھے پہُنچی کے تُساں کی اِک کھوتا بَدھیا نظر اچھسی۔ اُس اپر پہلیں کُسے وی سواری نی کِیتی وی ہوسی۔ اُسی کھولی کے مہاڑے کول کِہنی آݨو۔

اِنجِیل شریف (لُوقا) 19:37

جیہڑے ویلے حضرت عِیسیٰ اُس جغہ پُہنچے جِتھے کوہِ زَیتُون تُوں سڑک ٹلائی در جاݨی اَے، تے پیروکاراں نے سارے ہجُوم اللّٰہ تعالیٰ نا شُکر کری کے اُچّی اُچّی آوازاں وِچ حمد و ثنا کِیتی، کِیئانکہ اُنہاں حضرت عِیسیٰ کولوں بہُوں سارے مُعجزے ہوݨے تکے وے سݨ۔

اِنجِیل شریف (لُوقا) 21:37

اُنہاں دیہاڑیاں وِچ حضرت عِیسیٰ روزانہ دیہاڑی ویلے بڑے عِبادت خانے وِچ لوکاں کی تعلِیم دیݨے ہوݨے سݨ، تے راتی نا ویلا کوہِ زَیتُون اپر گُزارݨے ہوݨے سݨ۔

اِنجِیل شریف (لُوقا) 22:39

فِر اِسرح ہویا کہ حضرت عِیسیٰ معمُول نے مُطابق اپݨے صحابیاں کی کِہنی کے کوہِ زَیتُون اپر ٹُری گئے۔

اِنجِیل شریف (لُوقا) 24:50

فِر حضرت عِیسیٰ اُنہاں کی بیتِ عِنیاہ گراں کول کَھڑیا۔ اُتھے جائی کے حضرت عِیسیٰ اپݨے ہتھ چائی کے اُنہاں واسطے برکت نی دُعا کِیتی۔