اِنجِیل شریف (لُوقا) 19:28 - Mirpuri-Pahari Bible

²⁸ اے گلاں ختم کری کے حضرت عِیسیٰ یرُوشلم شہر در ٹُری پئے۔

اِنجِیل شریف (لُوقا) 19:28 ပူးပေါင်းရင်းမြစ်များ

اِنجِیل شریف (لُوقا) 10:30

حضرت عِیسیٰ اُس کی اِک مِثال دیئی کے جواب دِتا، ”اِک بندہ سی، او یرُوشلم شہر تُوں اُریحا شہر در پیا جاݨا سی۔ راہ وِچ ڈاکُوواں اُس کی کہیری کِہندا، اُس نے کپڑے لاہی کِہندے، اُس کی ماریا کُٹیا تے اَدھمُہوآ کری کے نسی گئے۔

اِنجِیل شریف (لُوقا) 12:50

پر اِس تُوں پہلے مِکی بہُوں سارے دُکھ تے تکلِیفاں برداشت کرنیاں پیسݨ، تے جدُوں تک اے ہوئی ناں جائے میں بہُوں ہی بے چِین آں!

اِنجِیل شریف (لُوقا) 18:31

فِر حضرت عِیسیٰ اپݨے باراں صحابیاں کی الگ اِک پاسے بُلائی کے آخیا، ”مہاڑی گل سُݨو! ہُݨ اَساں یرُوشلم شہر در پئے جُلݨے آں، اُتھے او ساریاں گلاں پُوریاں ہوسݨ جیہڑیاں نبیاں، اِبنِ اِنسان نے یعنی مہاڑے بارے وِچ آخیاں سݨ۔

اِنجِیل شریف (لُوقا) 9:51

جدُوں او ویلا نیڑے آیا کہ اللّٰہ تعالیٰ حضرت عِیسیٰ کی آسماناں اپر اپݨے کول بُلائی کِہنے، تے حضرت عِیسیٰ پکے اِرادے نال یرُوشلم شہر در ٹُری پئے۔