اِنجِیل شریف (لُوقا) 19:26 - Mirpuri-Pahari Bible

²⁶ مالکے آخیا، ”ہاں، اے گل سَچ اَے کہ جِس کول کُجھ اَے وَے، اُسی ہور وی دِتا جاسی۔ پر جِس کول کُجھ وی نی، اُس کولوں او تھوڑا جہیا وی واپس کِہندا جاسی جیہڑا اُس کول موجُود ہوݨا اَے۔

اِنجِیل شریف (لُوقا) 19:26 ပူးပေါင်းရင်းမြစ်များ

اِنجِیل شریف (لُوقا) 16:3

مُنشی سوچیا، ’مالک تے مِکی کَڈھݨا چاہݨا اے، پر میں کَے کَرساں؟ میں کھُدائی نا کم ناں کری سکݨا۔ خَیر مَنگݨے تُوں وی مِکی شَرم اچھݨی اَے۔

اِنجِیل شریف (لُوقا) 19:25

اُنہاں آخیا، ’حضُور، اُس کول تے پہلے ہی دس سِکے ہوئے وے اݨ!‘

اِنجِیل شریف (لُوقا) 8:18

اِس واسطے تُساں ہوشیار رہو، کہ کَے پئے سُݨنے او، کِیئانکہ جِس کُسے کی سمجھݨے نی خواہش ہوسی، اللّٰہ پاک اُس نے عِلم وِچ اِضافہ فرماسی۔ پر جِس کُسے کی سمجھݨے نی خواہش ناں ہوسی، اُس کولوں او تھوڑی جئی سمجھ وی جیہڑی کہ اُس کول اَے وے، واپس کِہندی جاسی۔“