اِنجِیل شریف (لُوقا) 19:24 - Mirpuri-Pahari Bible

²⁴ فِر مالکے اُتھے موجُود دُوئے نوکراں کی آخیا، ’اِس کولوں اے سِکہ چاہی کِہنو تے اُسی دیو جِس دس گُنا کمائی کِیتی اَے۔‘

اِنجِیل شریف (لُوقا) 19:24 ပူးပေါင်းရင်းမြစ်များ

اِنجِیل شریف (لُوقا) 12:20

پر اللّٰہ تعالیٰ اُس نیاں گلاں سُݨیاں تے آخیا، ’بے وَقُوفا! تُوں تے اَج راتی ہی مری جاسیں۔ فِر اے سارا کُجھ جیہڑا تُوں اپݨے واسطے جمع کِیتا، کِس نا ہوسی؟‘ “

اِنجِیل شریف (لُوقا) 16:2

اُس اپݨے مُنشی کی بُلائی کے پُچھیا، ’اے کَے گل اَے جیہڑی میں پیاں سُݨنا؟ اَپݨا سارا حِساب مِکی دس، کِیئانکہ تُوں اِس قابل نی ایں کہ اِس کَمّے واسطے تُکی رَخیا جائے۔‘

اِنجِیل شریف (لُوقا) 19:13

جاݨے تُوں پہلے اُس اپݨے نوکراں وِچوں دس نوکراں کی بُلائی کے ہر اِک کی سونے نا اِک اِک سِکہ دِتا تے آخیا، ’مہاڑے مُڑی کے اچھݨے تک اِس تُوں کُجھ کماؤ۔‘

اِنجِیل شریف (لُوقا) 19:23

تُوں مہاڑا پَیسہ بَنک وِچ کِیئاں نی رخیا؟ تانکہ مُڑی اچھی کے مِکی اِس نال کُجھ تے منافع لبھے۔‘

اِنجِیل شریف (لُوقا) 19:25

اُنہاں آخیا، ’حضُور، اُس کول تے پہلے ہی دس سِکے ہوئے وے اݨ!‘