اِنجِیل شریف (لُوقا) 19:17 - Mirpuri-Pahari Bible

¹⁷ مالکے خُوش ہوئی کے اُسی شاباش دِتی تے آخیا، ’بہُوں اَچھا! تُوں چنگا نوکر ایں! تُوں تھوڑے کمے وِچ وفاداری کِیتی اے، اِس واسطے ہُݨ میں تُکی دس شہراں نا نِگران مُقرر کَرساں۔‘

اِنجِیل شریف (لُوقا) 19:17 ပူးပေါင်းရင်းမြစ်များ

توریت شریف: پَیدایش 39:4

اِس واسطے فوطِیفار نی نظراں وِچ او مقبُول ہوئی گئے، تے او ہی فوطِیفار نی خدمت کرݨ لغے۔ فِر فوطِیفار اپݨے کہرے نا سارا اختیار حضرت یُوسف کی دیئی شوڑیا، تے اپݨا سارا کُجھ اُنہاں نے حوالے کری شوڑیا۔

اِنجِیل شریف (لُوقا) 16:10

جیہڑا شخص تھوڑے وِچ دیانتدار ہووے، او زیادہ وِچ وی دیانتدار ہوݨا اَے۔ اِسے طرح جیہڑا تھوڑے وِچ بَد دیانت ہووے، او زیادہ وِچ وی بَد دیانت ہوݨا اَے۔

اِنجِیل شریف (لُوقا) 19:16

پہلے نوکرے اچھی کے دسیا ، ’حضُور، تُساں نے دِتے وے سِکے تُوں میں دس گُنا کمائی کِیتی اَے۔‘

اِنجِیل شریف (لُوقا) 19:18

دُوئے اچھی کے آخیا، ’حضُور، تُساں نے دِتے وے سِکے تُوں میں پَنج گُنا کمائی کِیتی اَے۔‘

اِنجِیل شریف (لُوقا) 22:30

تانکہ مہاڑی بادشاہی وِچ تُساں وی مہاڑے نال کھاؤ پِیؤ بلکہ تُساں شاہی تختاں اپر بیہی کے بنی اِسرائیل نے باراں قبیلیاں نا اِنصاف کرو۔“