اِنجِیل شریف (لُوقا) 18:32 - Mirpuri-Pahari Bible

³² کِیئانکہ اُتھے مِکی غَیر بنی اِسرائیلیاں نے حوالے کِیتا جاسی، تے او مہاڑا مزاخ بݨاسݨ، مہاڑی توہِین کرسݨ، تے مہاڑے اپر تھُکسݨ۔

اِنجِیل شریف (لُوقا) 18:32 ပူးပေါင်းရင်းမြစ်များ

اِنجِیل شریف (لُوقا) 18:33

او مِکی کوڑے مارسݨ، تے آخرکار قتل کری شوڑسݨ۔ پر ترِیئے دیہاڑے مِکی اللّٰہ تعالیٰ فِر زِندہ کری شوڑسی۔“

اِنجِیل شریف (لُوقا) 23:1

فِر اِسرح ہویا کہ شرعی عدالت نے ساریاں لوکاں حضرت عِیسیٰ کی رُومی گورنر پیلاطُس صاحب کول کَھڑیا۔

اِنجِیل شریف (لُوقا) 23:11

بادشاہ ہَیرودیس تے اُس نے سِپاہیاں وی حضرت عِیسیٰ نی بے عِزتی کِیتی، تے اُنہاں نا مزاخ اُڈایا۔ فِر اُنہاں حضرت عِیسیٰ کی شاہی لباس لَوائی کے پیلاطُس صاحب در موڑی کے پہیجھی شوڑیا۔

اِنجِیل شریف (لُوقا) 23:35

اُتھے بہُوں سارے لوک تماشا تکݨے واسطے آسے پاسے کَھلتے وے سݨ۔ بنی اِسرائیلی نے بڑے بَڈیرے، حضرت عِیسیٰ نا مزاخ اُڈاݨے سݨ۔ او آخݨے سݨ، ”اے ہوراں لوکاں کی بچاݨا رہیا اَے! کدے اے سچ مُچ اللّٰہ تعالیٰ نا چُݨیا وا مسِیح اَے، تے اپݨے آپ کی وی بچائے نا!“