اِنجِیل شریف (لُوقا) 18:23 - Mirpuri-Pahari Bible

²³ اے گل سُݨی کے او بندہ بہُوں مایُوس ہویا، کِیئانکہ او بہُوں ہی دولت مَند سی۔

اِنجِیل شریف (لُوقا) 18:23 ပူးပေါင်းရင်းမြစ်များ

اِنجِیل شریف (لُوقا) 12:15

فِر حضرت عِیسیٰ ساریاں لوکاں کی مُخاطِب ہوئی کے آخیا، ”خبردار! اپݨے آپے کی ہر طرح نی لالِچ تُوں بچائی کے رَخو، کِیئانکہ بہُوں زیادہ مال نے ہوݨے نال اِنسان نی زِندگی نی بݨنی۔“

اِنجِیل شریف (لُوقا) 18:22

اے گل سُݨی کے حضرت عِیسیٰ اُسی آخیا، ”اِک گل نی تہاڑے وِچ حالاں وی کَمّی اَے: اپݨا سارا کُجھ بیچی کے غرِیباں مسکِیناں اپر بَنڈی شوڑ، فِر تُکی جَنّتاں وِچ خزانہ لبھسی۔ اے کَم کری کے آ، تے مہاڑا پیروکار بݨی جا۔“

اِنجِیل شریف (لُوقا) 18:24

حضرت عِیسیٰ اُس کی تکی کے آخیا، ”امِیراں لوکاں نا اللّٰہ تعالیٰ نی بادشاہی وِچ جاݨا کِتنا ہی مُشکل اَے!

اِنجِیل شریف (لُوقا) 19:8

اِسے دوران، زکائی کھَلی کے حضرت عِیسیٰ کی آخیا، ”حضُور تکو! میں اپݨے سارے مال نا اَدھ غرِیباں اپر بَنڈساں، تے جِس کُسے کولوں کُجھ ناجائِز کِہندا اَے، اُسی اُس نا چار گُنا موڑی کے دیساں!“

اِنجِیل شریف (لُوقا) 21:34

اِس واسطے ہوشیار رہو، کُدرے اِسرح ناں ہووے کہ تُساں عیاشی، نَشہ بازی تے دُنیا نی فِکراں وِچ غرق ہوئی جاؤ تے او دیہاڑا سِرے اپر اچھی جائے۔

اِنجِیل شریف (لُوقا) 8:14

جیہڑا بِیں چَہاڑیاں وِچ ٹہیݨا اَے، اے اُنہاں لوکاں نی مِثال اَے جیہڑے پَیغام تے سُݨنے اݨ، پر بعد وِچ دُنیا نی فِکر، دولت نی کَشِش تے عیاشی اُس پَیغام نا اثر ختم کری شوڑنی اَے۔ اِسرح اُنہاں نا اِیمان مضبُوط نی ہوݨا۔