اِنجِیل شریف (لُوقا) 18:14 - Mirpuri-Pahari Bible

¹⁴ فِر حضرت عِیسیٰ آخیا، ”میں تُساں کی دسی شوڑاں کہ کہار جاݨے ویلے فریسی نی، بلکہ او ٹیکس کِہنݨے آلا اللّٰہ تعالیٰ نی نظر وِچ نیک سمجھیا گیا سی۔ کِیئانکہ جیہڑا کوئی اپݨے آپ کی بڑا سمجھسی، اللّٰہ تعالیٰ اُسی عاجِز کرسی۔ تے جیہڑا کوئی عاجِز بݨسی، اللّٰہ تعالیٰ اُسی بڑا درجہ دیسی۔“

اِنجِیل شریف (لُوقا) 18:14 ပူးပေါင်းရင်းမြစ်များ

اِنجِیل شریف (لُوقا) 1:52

اُس بادشاہواں کی فقِیر کری شوڑیا اَے، تے عاجز لوکاں کی اِختیار آلا بݨائی شوڑیا اَے۔

اِنجِیل شریف (لُوقا) 10:29

اُس عالم اپݨی گل صحیح ثابت کرنے واسطے فِر آخیا، ”پر مہاڑا گوانڈی کُݨ اے؟“

اِنجِیل شریف (لُوقا) 14:11

کِیئانکہ جیہڑا کوئی اپݨے آپ کی بڑا سمجھݨا اے، اُس نی تَذلیل ہوݨی اَے۔ تے جیہڑا کوئی عاجِز بَݨنا اے، اُسی عِزّت لبھݨی اَے۔“

اِنجِیل شریف (لُوقا) 16:15

حضرت عِیسیٰ اُنہاں کی آخیا، ”تُساں اُنہاں لوکاں وِچوں او جیہڑے لوکاں نے سامݨے تے اپݨے آپ کی بہُوں نیک ثابت کری کِہننے اݨ، پر اللّٰہ تعالیٰ تے تُساں نی اَصلیّت کی بہُوں چَنگی طرح سمجھݨا اَے۔ کِیئانکہ جیہڑیاں چِیزاں نی اِنسان نی نَظر وِچ اہمیّت ہوݨی اَے، اللّٰہ تعالیٰ نی نَظر وِچ او چِیزاں قابِل ِ نفرت اݨ۔