اِنجِیل شریف (لُوقا) 18:1 - Mirpuri-Pahari Bible

¹ فِر حضرت عِیسیٰ اپݨے صحابیاں کی اِک مِثال سُݨائی جِس نا مقصد اُنہاں کی اے سبق دیݨا سی کہ ہر ویلے اللّٰہ کولوں دُعا مَنگݨی چاہی نی اَے، تے ہِمّت نی ہارݨی چاہی نی۔

اِنجِیل شریف (لُوقا) 18:1 ပူးပေါင်းရင်းမြစ်များ

یُونس 2:7

جدُوں مہاڑی جان نِکلݨ لغی، اے رب، مِکی تُوں یاد آیا، تے مہاڑی دعا تہاڑے مُقدّس کہار وِچ تہاڑے حضور پُہنچی۔

اِنجِیل شریف (لُوقا) 11:10

کِیئانکہ جیہڑا کوئی اللّٰہ کولوں مَنگے، اُسی دِتا جاݨا اَے۔ جیہڑا اُسی لوڑے، اُسی او لبھݨا اَے۔ تے جیہڑا اُس نا دروازہ ٹھکورَے، دروازہ کھُلسی۔

اِنجِیل شریف (لُوقا) 21:36

اِس واسطے ہر وقت ہوشیار رہو تے دُعا مَنگݨے رہو، تانکہ اللّٰہ تعالیٰ تُساں کی اِنہاں ساریاں اچھݨے آلیاں آفتاں کولوں بچائے، تے تُساں اِبنِ اِنسان یعنی کہ مہاڑے سامݨے کھلی سکو۔“