اِنجِیل شریف (لُوقا) 17:8 - Mirpuri-Pahari Bible

⁸ بِلکل ناں! بلکہ تُساں آخسو، ’مہاڑے واسطے کھاݨا تیار کر! تے جِس ویلے تک میں کھاݨے پِیݨے دَروں فارغ ناں ہوݨا مہاڑی خِدمت کر، فِر اِس تُوں بعد تُوں کھائی پی سکݨا ایں۔‘

اِنجِیل شریف (لُوقا) 17:8 ပူးပေါင်းရင်းမြစ်များ

توریت شریف: پَیدایش 43:16

جدوں حضرت یُوسف بن یامِین کی اُنہاں نال تکیا، تے اُنہاں اپݨے کہرے نے ملازمے کی آخیا، ”اِنہاں بندیاں کی مہاڑے کہار کِہنی جا، تانکہ اے دیہاڑی نی روٹی مہاڑے نال کھاݨ- تے اِک جانور ذبح کری کے کھاݨا تیار کر!“

اِنجِیل شریف (لُوقا) 12:37

خُوش نصیب اݨ او نوکر جِنہاں نا مالک اچھݨا اے تے او اُس نے اِستقبال واسطے تیار ہوئے وے ہوݨ۔ یقِین کرو کہ مالک اُنہاں نال بہُوں خُوش ہوسی تے اُنہاں نی بہُوں خِدمت کرسی۔

اِنجِیل شریف (لُوقا) 17:7

”فرض کرو کہ تُساں وِچوں کُسے نا نوکر ہَل ماری کے یا پہیڈاں بکریاں چَرائی کے اچھے، تے کَے تُساں اُسی آخسو، ’اچھی کے فَٹا فَٹ کھاݨا کھا‘؟

اِنجِیل شریف (لُوقا) 17:9

کَے خیال اَے مالک اپݨے نوکرے نا شُکر گُزار ہووے کہ اُس فرمانبرداری کِیتی اَے؟ بِلکل ناں!