اِنجِیل شریف (لُوقا) 17:26 - Mirpuri-Pahari Bible

²⁶ تے جِس طرح حضرت نُوح نے زمانے وِچ ہویا سی، اُسے طرح اِبنِ اِنسان یعنی کہ مہاڑے دُوئی واری اچھݨے نے ویلے ہوسی۔

اِنجِیل شریف (لُوقا) 17:26 ပူးပေါင်းရင်းမြစ်များ

توریت شریف: پَیدایش 6:5

رب تکیا کہ دُنیا وِچ انساناں نے غُناہ بہُوں ہوئی گئے اݨ، تے اُنہاں نیاں سوچاں تے خیال لگاتار صِرف پہیڑے ہی اݨ.

توریت شریف: پَیدایش 6:7

اُس آخیا، ”جہیڑے میں اِنسان بݨائے سݨ میں اُنہاں ساریاں کی، زِیمی پر رینگݨے آلے تے ٹُرنے آلے جانوراں تے پرندیاں سمیت، ختم کری شوڑساں. میں پَچھتاݨا آں کہ میں اُنہاں کی بݨایا سی.“

توریت شریف: پَیدایش 6:8

پَر رب حضرت نُوح پر خُوش سی۔

اِنجِیل شریف (لُوقا) 17:22

فِر حضرت عِیسیٰ اپݨے صحابیاں کی آخیا، ”او ویلا اچھسی جدُوں تُساں مہاڑے یعنی اِبنِ اِنسان نے واپس اچھݨے آلے اِک دیہاڑے کی تکݨے نی خواہش کرسو، پر تکی ناں سکسو۔

اِنجِیل شریف (لُوقا) 17:24

کِیئانکہ اِبنِ اِنسان نا دُوئی واری اَچھݨا اُس آسمانی بِجلی نی طرح ہوسی جیہڑی آسمان وِچ اِک پاسیوں چمکݨی اچھݨی اَے تے دُوئے پاسے ٹُری جاݨی اَے۔

اِنجِیل شریف (لُوقا) 17:27

کِیئانکہ سَیلاب اچھݨے تے سارے لوکاں نے ڈُبݨے تُوں پہلے لوک بے غم ہوئی کے کھاݨے پِیݨے، تے شادیاں بیاہ کرنے سݨ، اُس دیہاڑے تک کہ حضرت نُوح بیڑی وِچ ٹُری گئے۔

اِنجِیل شریف (لُوقا) 17:7

”فرض کرو کہ تُساں وِچوں کُسے نا نوکر ہَل ماری کے یا پہیڈاں بکریاں چَرائی کے اچھے، تے کَے تُساں اُسی آخسو، ’اچھی کے فَٹا فَٹ کھاݨا کھا‘؟

اِنجِیل شریف (لُوقا) 18:8

میں تُساں کی دسی شوڑاں کہ اللّٰہ تعالیٰ بہُوں جلدی اُنہاں نال اِنصاف کرسی۔ پر گل اے اَے کہ جیہڑے ویلے اِبنِ اِنسان یعنی کہ میں، دُنیا اپر دُوئی واری اچھساں، کَے واقعی اِیئے جہے لوک ہوسݨ جیہڑے مہاڑے اپر اِیمان آݨسݨ؟“