اِنجِیل شریف (لُوقا) 16:30 - Mirpuri-Pahari Bible

³⁰ امِیر بندے آخیا، ’حضُور، اِسرح او نی کَرنے! پر کَدے مُردیاں وِچوں کوئی جائی کے اُنہاں کی دسسے، تے فِر او توبہ کرسݨ۔‘

اِنجِیل شریف (لُوقا) 16:30 ပူးပေါင်းရင်းမြစ်များ

اِنجِیل شریف (لُوقا) 13:3

ناں ناں! بلکہ میں تُساں کی دسی شوڑاں، اگر تُساں اپݨے غُناہواں تُوں توبہ ناں کِیتی، تے اُنہاں نی طرح تُساں سارے وی ہلاک ہوئی جاسو۔

اِنجِیل شریف (لُوقا) 13:5

بِلکُل ناں! بلکہ میں تُساں کی دسی شوڑاں، اگر تُساں اپݨے غُناہواں تُوں توبہ ناں کِیتی، تے تُساں وی اُنہاں نی طرح ہلاک ہوئی جاسو۔“

اِنجِیل شریف (لُوقا) 16:24

اُس فریاداں نال آخیا، ”اَے مہاڑے باپ اِبراہِیم! مہاڑے اپر رحم کرو تے اِس لَعزر کی پہیجو۔ اے اچھی کے اپݨی اَنگلی نال پاݨی لائی کے مہاڑی زبان کی تَر کَرے۔ میں اِتھے اگی وِچ بہُوں سَخت عَذاب وِچ تڑفݨاں پیا آں۔‘

اِنجِیل شریف (لُوقا) 16:31

اے گل سُݨی کے حضرت اِبراہِیم اُسی آخیا، ’کَدے او مُوسیٰ تے ہور نَبیاں نی گل نی سُݨنے، تے مُردیاں وِچوں زِندہ ہوئی کے جاݨے آلے نی وی او نی سُݨݨ لغے۔‘ “

اِنجِیل شریف (لُوقا) 19:9

حضرت عِیسیٰ اُسی آخیا، ”اَج اِس کہار وِچ نجات آئی گئی اَے، کِیئانکہ اے بندہ وی تے آلِ اِبراہِیم اَے۔

اِنجِیل شریف (لُوقا) 3:8

ہُݨ تُساں اِیئے جہے کم کرو جِنہاں تُوں ثابت ہووے کہ تُساں واقعی توبہ کِیتی اَے۔ اپݨے دِلاں وِچ اے گل ناں آخو، ’اَساں حضرت اِبراہِیم نی اولاد آں‘۔ میں تُساں کی پُورے یقِین نال اے گل آخݨا آں کہ اللّٰہ تعالیٰ چاہݨا تے اِنہاں بَٹّیاں تُوں وی حضرت اِبراہِیم واسطے اولاد پیدا کری سکݨا اَے!