اِنجِیل شریف (لُوقا) 16:19 - Mirpuri-Pahari Bible

¹⁹ فِر حضرت عِیسیٰ اُنہاں کی اِک قِصّہ سُݨایا، ”کوئی امِیر بندہ سی او بہُوں ہی قِیمتی تے چَنگے کپڑے لاݨا ہوݨا سی۔ او بہُوں ہی خُوش و خرم سی تے اُس نا ہر دیہاڑا عِیدی نا دیہاڑا ہوݨا سی۔

اِنجِیل شریف (لُوقا) 16:19 ပူးပေါင်းရင်းမြစ်များ

اِنجِیل شریف (لُوقا) 15:13

تھوڑے دیہاڑیاں بعد نِکّے پُترے اَپݨا حِصّہ بیچی شوڑیا، تے رُوپے ہِݨی کے کُدرے دُور ٹُری گیا۔ اُتھے جائی کے اُس اپݨی ساری دولت فَضُول خَرچی وِچ ضائع کری شوڑی۔

اِنجِیل شریف (لُوقا) 16:1

فِر حضرت عِیسیٰ اپݨے صحابیاں کی اِک قِصّہ سُݨایا، ”اِک واری نی گل اَے، کُسے امِیر بندے نا مُنشی سی جِس نے حوالے اُس اپݨا سارا حِساب کِتاب کِیتا سی۔ اُس امِیر بندے کی پتہ لغا کہ اُس نا مُنشی اُس نا مال پیا ضائع کرنا اَے۔

اِنجِیل شریف (لُوقا) 16:18

جیہڑا بندہ اپݨی بِیوی کی طلاق دیئی کے کُسے دُوئی عورت نال بیاہ کرَے، او زِنا کرنا اَے۔ تے جیہڑا کوئی کُسے چھوڑی وی عورت نال بیاہ کرَے، او وی زِنا کرنا اَے۔“

اِنجِیل شریف (لُوقا) 16:20

اُتھے اِک بہُوں ہی غَریب لَعزَر نامی بندہ سی، جِس نے سارے جِسم اپر داݨے ہی داݨے سݨ۔ اِس بیچارے کی اُس امِیر بندے نے دَر اپر پُہنچایا جاݨا ہوݨا سی۔