اِنجِیل شریف (لُوقا) 16:15 - Mirpuri-Pahari Bible

¹⁵ حضرت عِیسیٰ اُنہاں کی آخیا، ”تُساں اُنہاں لوکاں وِچوں او جیہڑے لوکاں نے سامݨے تے اپݨے آپ کی بہُوں نیک ثابت کری کِہننے اݨ، پر اللّٰہ تعالیٰ تے تُساں نی اَصلیّت کی بہُوں چَنگی طرح سمجھݨا اَے۔ کِیئانکہ جیہڑیاں چِیزاں نی اِنسان نی نَظر وِچ اہمیّت ہوݨی اَے، اللّٰہ تعالیٰ نی نَظر وِچ او چِیزاں قابِل ِ نفرت اݨ۔

اِنجِیل شریف (لُوقا) 16:15 ပူးပေါင်းရင်းမြစ်များ

اِنجِیل شریف (لُوقا) 10:29

اُس عالم اپݨی گل صحیح ثابت کرنے واسطے فِر آخیا، ”پر مہاڑا گوانڈی کُݨ اے؟“

اِنجِیل شریف (لُوقا) 11:39

حضرت عِیسیٰ اُسی آخیا، ”او فریسیو! تُساں کھاݨے پِیݨے نے پہانڈیاں کی باہروں تے بہُوں تہوئی تہوئی کے استعمال کرنے او، پر اندروں تُساں بَدی تے لالِچ نال پہرے وے او۔

اِنجِیل شریف (لُوقا) 18:11

فریسی بندے بڑے عِبادت خانے وِچ کھَلی کے اِسرح دُعا شرُوع کِیتی، ’اللّٰہ تعالیٰ تُہاڑا شُکر اَے کہ میں ہور لوکاں نی طرح ناں، جیہڑے لُٹیرے، بد دیانت تے حرامکار ہوݨے اݨ! تے ناں ہی اُس ٹیکس کِہننے آلے نی طرح آں!

اِنجِیل شریف (لُوقا) 18:14

فِر حضرت عِیسیٰ آخیا، ”میں تُساں کی دسی شوڑاں کہ کہار جاݨے ویلے فریسی نی، بلکہ او ٹیکس کِہنݨے آلا اللّٰہ تعالیٰ نی نظر وِچ نیک سمجھیا گیا سی۔ کِیئانکہ جیہڑا کوئی اپݨے آپ کی بڑا سمجھسی، اللّٰہ تعالیٰ اُسی عاجِز کرسی۔ تے جیہڑا کوئی عاجِز بݨسی، اللّٰہ تعالیٰ اُسی بڑا درجہ دیسی۔“

اِنجِیل شریف (لُوقا) 18:21

اُس بندے آخیا، ”اِنہاں ساریاں گلاں اپر میں بَچپن تُوں پیا عمل کرنا آں۔“

اِنجِیل شریف (لُوقا) 18:9

فِر حضرت عِیسیٰ اُوئے جہیاں لوکاں نے بارے وِچ مِثال سُݨائی جیہڑے اپݨے آپ کی مذہب نا ٹھِیکیدار سمجھݨے اݨ تے دُوئے لوکاں کی حقِیر سمجھݨے اݨ۔

اِنجِیل شریف (لُوقا) 20:20

فِر او موقعے نی تلاش وِچ سݨ، تے اُنہاں کُجھ جاسُوس پہیجے تانکہ حضرت عِیسیٰ نے پیروکار بݨی کے اُنہاں کی کُسے گلے وِچ پَھساݨ تے رُومی گورنر نے حوالے کرݨ۔

اِنجِیل شریف (لُوقا) 20:47

اے بیوَاں مَسکِیناں نے کَہراں اپر قبضہ کری کِہننے اݨ تے لوکاں کی دَسݨے واسطے لَمیاں لَمیاں دُعاواں کرنے اݨ۔ اِنہاں کی زیادہ سزا لبھسی!“