اِنجِیل شریف (لُوقا) 16:11 - Mirpuri-Pahari Bible

¹¹ اِس واسطے اگر تُساں دُنیاوی دولت وِچ دیانتدار ناں ہوسو، تے حقِیقی دولت کُݨ تُساں نے حوالے کرسی؟

اِنجِیل شریف (لُوقا) 16:11 ပူးပေါင်းရင်းမြစ်များ

اِنجِیل شریف (لُوقا) 12:33

اپݨا مال و متاع بیچی کے ضرُورت مَنداں کی بَنڈی شوڑو۔ اِس طرح تُساں اپݨے واسطے اِیئے جہے بٹّوے بݨاسو جیہڑے کدے وی خراب ناں ہوسݨ، تے آسماناں وِچ اِیئے جہیا خزانہ جیہڑا کدے وی ختم ناں ہوسی، تے اُتھے ناں چوری ہوئی سکݨی اَے، ناں کوئی کِیڑا خراب کری سکݨا اَے۔

اِنجِیل شریف (لُوقا) 16:12

اگر تُساں دُوئے لوکاں نے مال نال دیانتداری ناں کَرسو، تے جیہڑا حقِیقی مال تُساں واسطے اَے، او تُساں کی کُݨ دیسی؟

اِنجِیل شریف (لُوقا) 16:9

فِر حضرت عِیسیٰ آخیا، ”اِس واسطے میں تُساں کی آخݨا آں، اِس دُنیا نی دولت نے ذرِیعے اپݨے واسطے دوست بَݨاؤ، تانکہ جیہڑے ویلے اے دولت ختم ہوئی جائے تے اللّٰہ تعالیٰ تُساں کی جنّت وِچ خُوشی نال اچھݨ دَے۔

اِنجِیل شریف (لُوقا) 18:22

اے گل سُݨی کے حضرت عِیسیٰ اُسی آخیا، ”اِک گل نی تہاڑے وِچ حالاں وی کَمّی اَے: اپݨا سارا کُجھ بیچی کے غرِیباں مسکِیناں اپر بَنڈی شوڑ، فِر تُکی جَنّتاں وِچ خزانہ لبھسی۔ اے کَم کری کے آ، تے مہاڑا پیروکار بݨی جا۔“